103 жастағы әжеге ота жасалды

1913 жылы туған Айша Дәрібекова облыстық кардио­логиялық орталыққа «Жедел жәрдемнің» көмегімен  биылғы 20 сәуірде таңғы сағат 5-тен асқанда жедел миокард инфаркт диагнозымен шұғыл жеткізі­леді. Содан кейін кейуананың өмірін сақтап қалу үшін арпалыс басталды.  Науқас жансақ­тау бөліміне жатқызылып, дәрі­гер­лер емдік шараларға бірден кірісті. Жан-жақты тексерудің нәти­жесінде сырқаттың сыры да лезде анықталды. Жүрек-қан тамырларының ішіндегі түйір­шектерді еріту мақсатында  тром­болитикалық дәрі жіберіліп, жедел түрде тамырішілік эндо­свас­кулярлық жолмен қан тамы­ры­на стент қою отасы жасалды. Сөйтіп, облыстық кардио­орта­лық қызметкерлері 103 жас­тағы қарияның өмір жасын ұзартуға септігін тигізді. Аталмыш кардиоорталықтың бас дәрігері Спандияр Бекжігітов  және орынбасары Гүлмира Әліпова журналистерге арнап өт­кізген баспасөз мәслихатында осы жайт­тарды тілге тиек етті. БАҚ өкіл­дерін пациентпен жүз­дес­­тіріп, операция блогына  кіргізді. – Қазір қауіптің беті қайт­қаннан соң Айша Дәрібаева­ның ден­саулығы бірқалыпты. Кө­ңіл күйі де көтеріңкі. Біздің ауру­ханада бұрын 95 жастағы науқасқа операция жасалған болатын. Енді, міне, 103-ке келген әжеге жасалған ота да ойдағыдай өтті. Біз эндоваскулярлық стенттеу отасын жасауда науқастың жасына ешқандай шектеу қойыл­майтынын баса айтқымыз келеді, – дейді  бас дәрігер. – Құдайдың мұнысына да шүкір! Дәрігерлерге аналық ал­ғы­­сымды айтамын. Өркендері өссін! – дейді  ғасырдан ұзақ жасаған әже. Серікқали ЖЕКСЕНБАЕВ Оңтүстік Қазақстан облысы