Талбесік • 19 Қазан, 2024
Қазақ жылқысын қылаң немесе баран деп екі-ақ түске бөледі десем, кейбіреулер жағамнан алуы да мүмкін қазір. Білетіндер «е-е, осы да сөз бе екен?» деп қоя салады. Боз, ақбоз, көк, қызыл, сұр сияқты алыстан көзге түсетіндерін қылаң дейді де, қалған қара, қарагер, торы, шабдар, күреңдерін баран атайды. «Алдыңғы ат баран болмай, қылаң болды» деген жолдар Ілияс Жансүгірдің «Құлагерінде» де бар. Құлагер баран екенін бірден аңғарамыз.
Тағзым • 18 Қазан, 2024
Мәдениет және ақпарат министрлігі және Астана қаласы әкімдігінің қолдауымен қазір Астанада әнші, актер, ақын, драматург Қанат Жүніс шығармашылығының «Қолтаңба» атты онкүндігі өтіп жатыр. Мәселен, ертең 19 қазан күні Ә.Мәмбетов атындағы мемлекеттік драма және комедия театрында автордың «Алаш жолы» атты драмасы қойылады.
Таным • 16 Қазан, 2024
«Сенің әкең жақсы еді жамбас жеген, Жақсыдан жаман туса оңбас деген» болып келетін шумақ ертеректе ел ішін қыдырып жүретін. Өйтетіні, қазақта табақ тарту, қай мүшені кім ұстауы тиіс сынды жоралғылар аяқасты қалмайтын еді ғой. Ал тиісті жілік, мүше иесін таппай қалды екен немесе ұсынушы дұрыс үлестірмесе, дастарқан басындағы білетіндер әлгіндей шумақтарды мысалға келтіріп, сөзбен қойып қалатын. Айыпты жан алақандай дастарқан басында кірерге тесік таппайды ұяттан. Жамбас сүйектің қадірлі жандарға тартылатыны жоғарыдағы жолдардан белгілі емес пе?
Қоғам • 28 Қыркүйек, 2024
Qazaqstan республикалық телерадиокорпорациясы жаңа телевизиялық маусымдағы жобаларының таныстырылымын өткізді. Тікелей эфир студиясында өткен іс-шараға шығармашыл қауым, сала ардагерлері, руханият өкілдері қатысты. Соңғы жылдары дәстүрге айналған таныстырылым бір жағынан жаңа өнімдерді насихаттау болса, екіншіден өткенді қорытындылап, болашақ шығармашылық жұмысты пысықтауға саяды.
Таным • 05 Қыркүйек, 2024
Сананы сөз оята ма, іс оята ма? Екеуі де дұрыс орындалғанымен, селт еткізе алмауы мүмкін ғой. Оған бола «мынауың дауасыз екен» деп қоя саламыз ба? Қайткен күнде бір қисыны табылуға тиіс қой.
Таным • 28 Тамыз, 2024
Ертеректе ауылдағылар қасқыр, бөрі демей, жаманауыз дейтін. Атқа мінетін үлкен аңшылар бір-бірінен «далаға шықтыңдар ма, жаманауыздан тыныш па екен?» деп сұрап жататыны құлағымызда. Кейін есейе келе кей ауылдар бөріні ит-құс атайтынын да білдік. Ауылда естіген жаманауыздың мәнін сонда ұққанбыз. Қазір олай тыйым сөз қолдана бермейді-ау деймін. Итті ит, қасқырды қасқыр атайды.
Әдебиет • 22 Тамыз, 2024
Мұхтар Шахановтың сөзіне жазылған тамаша ән бар. «Арқалықтың ақ таңы» аталады. Әуені әрине, Шәмшінікі. Сөзі де, сазы да керемет туындыны тыңдап отырсаңыз, тамаша сылдырап ағып келе жатқан ән мәтіні аяқ жағындағы үшінші шумақта теткіп кеткендей сезілуі мүмкін. Бабымен есіп қана аққан су өз бойынан үлкен тасқа тиіп, шапшыңқырап барып үстінен аттай салғандай әсер қалдырады. Бір томпақтау тұсқа тіреліп барып өткені байқалмай тұрмайды. Шығарма сол томпақтау көрінген тұсымен шығарма болуы мүмкін.
Таным • 16 Тамыз, 2024
Бүгінде бұл кәсіп жоққа айналды. Орнын бақташылар басты. Бірақ даланың бұрынғы жылқышыларының бәсін маман деп түсіруге бола ма? Маман деген белгілі бір іспен ғана шұғылданушы. Мысалы, тігінші не етікші сияқты. «Ерінбеген етікші болады» демеуші ме еді қазақ? Ал жылқышы ше?
Тәрбие • 15 Тамыз, 2024
Өсіп келе жатқан жас ұрпаққа ұлттық құндылық пен салт-дәстүрімізді дәріптеу мақсатында Астана қаласы әкімдігінің қолдауымен Діндерді зерттеу орталығы Бурабай ұлттық паркі «Жеті қазына» этноаулында «Кемел жігіт – күйеу бала» атты ұлттық зияткерлік курсын өткізді.
Мәдениет • 14 Тамыз, 2024
Шертпе күй дегенде Әбікен Хасенұлының есімін жиі еске түседі. Алайда көп айтыла бермейді. Ол кісінің ғаламат күйшілігімен қатар, кісілік келбеті әрі өте талантты әртіс болғаны туралы деректер кейін де шығып жатыр. Бұрындары ашық дереккөздерде театрда әртіс болғаны жөнінде және басты рөлдерді сомдағаны туралы деректер көптеп ұшырасар еді. Ал күйші Жанғали Жүзбайдың бертіндегі жазбасына үңілген адам Әбікен Хасенұлы заманында Қазақ драма театрында (Қазіргі М.Әуезов атындағы мемлекеттік академиялық драма театры) маңдайалды актердің бірі болғанын біледі.