Батырхан СӘРСЕНХАН
Батырхан СӘРСЕНХАН«Egemen Qazaqstan»
222 материал табылды

Тұлға • 18 Маусым, 2024

Ғұлама Қаныш

Өткен ғасырда ұлт ғылымына орасан зор үлес қосқан тұлға – Қаныш Сәтбаев. Ғалымның азаматтық болмысы, ұлтына жасаған толағай еңбегі жыл сайын жаңаша өріс алып келеді. Жерінің асты мен үсті байлыққа толған байтақ мекеніміздің сан-салалы таланттарына, ғылым жолының өркен жаюына жол ашқан даңқты тұлғаның ғұмыры ірілікке толы.

Әдебиет • 13 Маусым, 2024

Даулы Шекспир

Шекспир турасында том-том кітап, сан салалы пікір айтылса да, жұмбақ тұлға түгесілмей келеді. Алып мұзартқа қанша адам тас атты, қаншасы алыпқа өкпелеп ашу шақырды. Бірақ заманалар көші алып даңқына нұқсан келтіре алған жоқ.

Руханият • 12 Маусым, 2024

Өмір мәні

Дүниеге келген әр адам ақыл-ойы артқан сайын өзін іздеп, өмір мәнін табуға құлшынады. Шәкәрім қажы «Келдім қайдан? Қайтсем пайдам? Өлгеннен соң не болам?» деген үш сұрақпен жан құлағын бітеп, ізденуге шақырады.

Таным • 12 Маусым, 2024

Экстраверт пен интроверт

Адам мінезі әртүрлі. Швейцариялық психолог Карл Густав Юнг мі­незді зерделей келе, экстраверт адамдар мен интроверт адам­дардың анықтамасын жасаған-ды.

Әдебиет • 07 Маусым, 2024

Алып Пушкин

Пушкин... Алып та алып, ақын да ақын. Бір халыққа Пушкин секілді еңбек сіңіру – мыңнан бір ғана таланттың ісі. Сірә, мұндай жаратылыс сирек болар.Алып шайырдан кейін келген көш-көш ақын оның шәкірті іспетті. Өткен мен болашақтың аурасын сіңіре білген сара талант бойын тербеген барлық сәттің ескерткішін қалдырғандай. Солайша қарапайым бола тұра күрделі, ескі бола тұра жаңа ұғымдарды дүниеге әкелді. Достоевский «Пушкин туралы сөзінде»: «Мүлде оқыс һәм қайталанбас орыс рухының құбылысы», «орыс адамы ол шыққан межеге мүмкін екі жүз жылдан соң ғана жете алар» деген салмақты ой қорытады.

Таным • 06 Маусым, 2024

Ояну

Өмірдің басты мұратының бірі – кемелдікке ұмтылу десек, сол жолда таң­ғажайып сырлар ашылады. Зигмунд Фрейд айтқандай, адам –қалып­тасып бітпейтін жаратылыс. Шыңдала бересіз, шыңдала бересіз, шыңдалудың шеті мен шегі жоқ.

Таным • 05 Маусым, 2024

Паскаль

Қайбір тұлғалар елі бөлек, ұлты жат болса да, туысың секілді жанға жақын. Ара-тұра ойлап, іздеп тұрасың. Жан үндестігі ме, әлде өмір бойы өзін азаптап ақиқат шуағын іздеген аяулы тұлғаға деген махаббат па, белгісіз. Сондай көңілдегі тұлғалардың бірі – Паскаль.

Әдебиет • 04 Маусым, 2024

«Суретің қандай, сүтті іңір...»

Шын ақын – ұлттық ақын. Әлем әдебиетін ақтарған сайын бұған көзіміз анық жете түсуде. Ал ұлттық ақынның басты ерекшелігі қоңыр жанында, үстем рухында. Қазақтың жаны кейде дүлей, кейде «насыбайға бола өкпелер» назды, кейде қылдан да нәзік. Бір сөзбен айтқанда, аяулы жан.

Таным • 30 Мамыр, 2024

Ер мінезі

Мәдениетпен бірге жан отарланады, мінез өзгереді. Жаһандану үрдісі еркін жайылған уақытта ғаламтор арқылы кез келген ел өнері қолжетімді. Бақсақ, қоғамдағы жастардың мінезі әртүрлі. Шетел әндерін үзбей тыңдап, киносына құныққан ұлдар қоңыр мінез бен арынды айбаттан ауытқып, дарақылыққа бейім бола бастағандай.

Таным • 24 Мамыр, 2024

Жұмбақ кейіпкер

Жер жаралғалы ғалымдардың есебінше, 3,8 миллиард жыл өтті. Ғасырлардан ғасырларға, замандардан замандарға жалғасқан салқар көштің легі толастамады. Егер жобамен ойлап қарасақ, жер дегеніміз – қабірге толы сандыққа ұқсайды. Ай, жұлдыз, құйрықты жұлдыз, зауза, ғаламшарлар – бәрі-бәрі, әрбір адам көкірегіне «Кімнен?» «Неге?» «Не үшін?» секілді сауал түймелерін қадаған-ды.