Технология • 14 Ақпан, 2025
Бүгінде қоғам назары жасанды интеллектіге ауған. Өйткені жобалар мен ғылыми зерттеулердің дені жасанды зерде арқылы іске асып жатыр. Шынында да, ЖИ-ді адамзат тарихында революциялық жаңалық деп айтуға болады. Сарапшылардың пікірінше, ЖИ адамның бес сезім мүшесінің бірін қайталай алатын немесе адам санасына ұқсас ой жүйесі бар бағдарламалардан тұрады. Мысалы, көру және естігенін тану қабілетіне ие жүйелер – ЖИ-дің бір түрі. Сонымен қатар адам кейпіндегі роботтар да ЖИ көмегімен жасалған. Қазіргі уақытта жасанды зерде өндіріс орындарында, әскери салада, дрондар мен зымыран жасауда кеңінен қолданылып жатыр.
Ғылым • 06 Ақпан, 2025
Шетелдік оқу орындарының мүмкіндіктерімен танысты
М.Әуезов атындағы ОҚУ-да Study in Kazakhstan атты еліміздегі шетелдік ЖОО-лардың 20 филиалының көрмесі өтті. Аталған іс-шарада мектеп бітіруші оқушылар ата-аналарымен бірге Қазақстан университеттерінің жанынан ашылған шетелдік ЖОО филиалдарының ұсынған мамандықтарымен танысуға мүмкіндік алды. Шетелдік филиалдардың ішінде Аризона, Ковентри, Херриот-Уотт, Гонконг, Анхальт, Бейжің тіл және мәдениет университеті, М.Ломоносов атындағы Мәскеу мемлекеттік университеті секілді әлемдік рейтингтің көшбасында тұрған жоғары оқу орындары болды. ЖОО филиалдарының көрмесін тамашалаған Қазақстанның Ғылым және жоғары білім министрінің кеңесшісі Руслан Емелбаев іс-шараның сәтті өтуіне тілектестігін білдірді.
Құқық • 06 Ақпан, 2025
Жастар арасындағы қылмыс алаңдатады
Шымкент қаласының прокуратурасы өткен жылы атқарылған жұмыстарды қорытындылады. Бас прокуратураның қызмет басшысы қатысқан кеңейтілген отырысты қала прокуроры Ғабит Мұқанов ашты. Қала прокурорының бірінші орынбасары Нұрғали Жомарт өз баяндамасында шаһарда қылмыс саны жылдан-жылға азайып келе жатқанын ал соттағы тоқтатылған істер артқанын атап өтті.
Білім • 04 Ақпан, 2025
Тәшенев жастарының озық идеясы
Жуырда Ғылым және жоғары білім министрі Саясат Нұрбек Шымкент қаласына іссапармен келді. Жұмыс сапары аясында министр шаһардағы іргелі оқу орындарының бірі Жұмабек Тәшенев атындағы университетінде болып, студенттердің идеясымен құрылған «EDU AI» жасанды интеллект орталығының жұмысымен танысты. Роботтехника зертханасында жасалып, қолданысқа енгізілген құрылғыларды көрді. Сондай-ақ сала басшысы жасанды интеллект пен роботтехника саласы бойынша білікті маман даярлау ісіне мән берген университет басшылығына алғысын білдірді.
Өндіріс • 31 Қаңтар, 2025
Қазақ кілемі – әлемдік нарықта
Қаңтардың 7-10 күндері аралығында «Бал Текстиль» ЖШС алғаш рет еліміздің атынан Түркияда өткен «CFE 2025 Carpet and Flooring Expo» халықаралық көрмесіне қатысып қайтты. Шымкенттегі «Оңтүстік» арнайы экономикалық аймағында орналасқан кәсіпорын кілем өнімдерін шығарумен айналысады. Халықаралық көрмеде компания тауарларды «Bal Carpet» брендімен таныстырды. Серіктестік басшысы Талғат Ысқақовтың айтуынша, фабрикада 500-ден аса адам тұрақты еңбек етеді.
Шымкент • 29 Қаңтар, 2025
Құрметке лайық, қамқорлыққа зәру
Президент Қасым-Жомарт Тоқаев осы жылды Жұмысшы мамандықтары жылы деп жариялағаны белгілі. Осыған орай Үкімет тарапынан арнайы жоспар әзірленді. Соның негізінде Шымкентте де өңірлік іс-шаралар жоспары бекітілді, оны үйлестіретін өңірлік штаб құрылып, құрамы айқындалды.
Шымкент • 28 Қаңтар, 2025
Жол сапасына мән бермегендер жазаланды
«Жол активтері сапасының ұлттық орталығы» мекемесінің Шымкент қалалық филиалы былтыр жол құрылыстарын тексеру мақсатында 843 рет нысандарға шығып, сараптама қорытындысымен 228 ақау мен кемшіліктерді анықтаған. Оның 178-і қалпына келтірілсе, қалғаны әлі орындалып жатыр. Сараптама барысында 1 494 жол-құрылыс материалы іріктеліп алыныпты. Мамандар 621 сынаманы нормативтік талаптарға сәйкес келмейді деп тауыпты. Осындай сапасыз жол-құрылыс материалдары бойынша қазір сәйкестендіру жұмыстары жүргізіліп жатыр.
Айбын • 23 Қаңтар, 2025
Жылдың үздік жауынгер-спортшысы
Қазақстанның үздік әскери қызметшілерін анықтау үшін жыл сайын «Әскер тарланы» атты бүкіл армиялық конкурс өткізіледі. Өткен жылғы осы байқауда Шымкент қаласындағы 35748 әскери бөлімі мергендер взводының аға сержанты Асылбек Қарабай жеңімпаз атанды. Ол табандылық пен жоғары әскери дайындық нәтижесінде «жауынгер-спортшы» деген аталымын жеңіп алды.
Таным • 17 Қаңтар, 2025
Араб жиһанкезінің түріктер туралы айтқандары
Ахмад ибн Фадлан әл-Бағдади – Х ғасырда өмір сүрген араб ойшылы әрі жиһанкезі. Оның «Түрік, хазар, орыс, бұлғар елдерін сипаттайтын ибн Фадлан жазбасы» деген әйгілі шығармасы бар. Бұл еңбекте Аббасидтер халифатының Бұлғарияға елшілік жіберуі, оны бастап барған ибн Фадланның Орта Азия мен қазіргі Ресей жеріндегі халықтардың тұрмыс-тіршілігі жөнінде жинаған құнды деректері келтірілген. Тарихи құжат тұрғысынан өте шынайы әрі маңызды дереккөз болғандықтан, қаншама ғасыр өтсе де тарихшылар әлі күнге шейін ибн Фадлан еңбегіне сүйенеді. Араб жиһанкезі викингтердің өмір салты туралы да керемет жазбалар қалдырған.
Мәселе • 15 Қаңтар, 2025
Жұрт пікірін екіге жарған су мәселесі
Халықты ширек ғасырдан аса уақыт бойы үздіксіз ауызсумен қамтамасыз етіп келе жатқан «Су ресурстары-Маркетинг» ЖШС мен жергілікті әкімдік арасында талас-тартыс басылмай тұр. Қала әкімдігі аталған кәсіпорынды стратегиялық нысан ретінде мемлекет меншігіне қайтаруды көздесе, серіктестік басшылығы оны заңсыз деп тауып, өз қарсылығын білдіріп жатыр.
