Қоғам • 17 Маусым, 2024
«Оңтүстік Қазақстан» облыстық қоғамдық-саяси газеті қазақ күресін насихаттауға, дамытуға үлкен үлес қосып келеді. Өткен апта соңында қоғамдық-саяси газеттің 100 жылдық мерейтойына орай Түркістан қаласында қазақ күресінен турнир өтті. Жастарды ұлттық құндылықтарды қастерлеуге тәрбиелеу мақсатында 61 жыл бойы тұрақты ұйымдастырылып келе жатқан турнир қазақ күресін халықаралық, әлемдік деңгейде танытқан талай балуанның тұсауын кесті.
Аймақтар • 13 Маусым, 2024
Тұрғындарға қолайлы жағдай туғызу – басты міндет
Түркі әлемінің туристік астанасы Түркістан гүлдене, түрлене түскен. Саябақтар, Рәміздер алаңы, сондай-ақ әкімшілік-іскерлік, мәдени-рухани орталықтары аумағындағы 80 субұрқақ ауаны салқындатып қана қоймай, қалаға сән беріп тұр. Әсем көріністер ақын Ғафу Қайырбековтің: «Түркістанның көшелері ылғи бақ, Кеудесінен бұлақ аққан құлдилап...» деген өлең жолдарын еске түсіреді.
Аймақтар • 13 Маусым, 2024
Оранғайдағы оңалту орталығы қашан ашылады?
Облыс орталығы, Түркі әлемінің рухани астанасы мәртебесін алған Түркістанда соңғы 5-6 жылдың көлемінде құрылыстың қарқыны күшті. Ертегідегідей еліте түсетін ерекше ғимараттарымен, тотыдай түрленген Түркістан туралы қазір қандай теңеу айтсаңыз да, қалай толғансаңыз да жарасады. Алайда осыншама керемет нысанның бәрі ертегідегідей ғайыптан пайда болмағанын айтпасақ та түсінікті. Мұның арғы жағында бір түйткілдің, біраз проблеманың жатқаны рас.
«Таза Қазақстан» • 13 Маусым, 2024
Шипажайдың шырайы кірсін десек...
Шипажайы көп Сарыағаш ауданына келушілер қатары жыл бойы үзілмейді, ал жазда көбейе түседі. Өңірдегі 75 шипажайдың 60-сы осы ауданда. Ем алуға, демалуға келушілер шипажайдан бөлек аудан орталығында болып, көрікті жерлерін аралауды қалайтыны анық. Тазалыққа үлес қосуды туған жерге деген қамқорлық деп есептейтін жергілікті тұрғындардың қонақ алдында ұятқа қалғысы жоқ. Қонаққа бару да, күту де – мәдениет. Яғни тура мағынасында таза ортаны көрген қонақ күтушінің мәдени деңгейін де бағалайтыны мәлім.
Шаруашылық • 12 Маусым, 2024
Мемлекет басшысы былтыр Жолдауда ішкі су ресурстарын үнемдеп пайдалану өте маңызды екенін атап өтті. Бұл орайда суды үнемдейтін озық технологияны енгізу ісін тездетіп, оны қолдану аумағын жыл сайын 150 мың гектарға дейін кеңейту міндеттелді. Су тапшылығы айқын сезілетін Түркістан облысы Сауран ауданында үнемдеу технологиясын өндіріске енгізуге басымдық беріліп келеді.
Өндіріс • 12 Маусым, 2024
Еңбекқор ел ештеңеден тарықпайды
Түркістан облысында әр ауданды өз ерекшелігіне сай салаға бейімдеуге басымдық берілген. Мысалы, өңір тұрғындары Бәйдібек, Сайрам аудандарында мал шаруашылығы, Шардарада балық өндіру дамығанын айтады. Сарыағаш десе, ел жүзімді алқаптарды еске түсіреді. Облыс басшысы да әр өңірдің өзіндік ерекшелігін қарастыра келе, сол бағытқа бет бұру, жаппай мал өсіріп, не қызанақ егіп, қалған салалар құр қалмау керектігін аудан әкімдеріне ескерткен.
Қоғам • 12 Маусым, 2024
Түркістан төрінде дәстүрлі түрде өткізілетін республикалық «Аl-farabi» интеллектуалды ойыны биыл да жалғасын тапты. «Жастар ресурстық орталығының» ұйымдастыруымен өткізілген интеллектуалды ойынның күні кеше жеңімпаздары анықталды.
Қоғам • 11 Маусым, 2024
Түркістан өңірінде әр жылдары мектеп бітірген түлектердің білім ордаларындағы Соңғы қоңырау қарсаңында қайырымдылық жасап, мұқтаж жандарға көмектесуі, өз ауылының көркейіп-көріктенуіне үлес қосуы дәстүрге айналып келеді. Биыл да бірнеше ауданда игі іс жалғасын тапты.
Аймақтар • 07 Маусым, 2024
Абаттандыру ережесіне өзгеріс енгізіледі
Түркістан облысында тұрғындардың экологиялық сауатын көтеру, қоршаған ортаны таза ұстауға бағытталған іс-шаралар жүйелі өткізіліп келеді. Мысалы, күні кеше Сарыағаш ауданының Дарбаза, Жартытөбе ауылдық округтерінде және аудан орталығында ішкі көшелердің бойындағы күл-қоқыстарды, арық-атыздарды тазалау, шөптерді ору жұмыстары жүргізілді.
Қоғам • 06 Маусым, 2024
«Аспан – қазақ, жер – қазақ, ортам – қазақ, мені қуантатын да, маған қуат беретін де осы. Ауған жерінде туып-өскен біз үшін атажұртқа оралу арман еді. Әлі де талай қандасымыздың арманы. Ал ана тілімізді, салт-дәстүрімізді сақтап қалғанымыз атамекендегі ағайынға еш қиындықсыз, кедергісіз тез сіңісіп кетуімізге ықпал етті. Мың ауғанның арасында екі қазақ кездессек, қазақша сөйлесетінбіз», дейді Тәжмұхаммед Ахметұлы.
