Жастар • 01 Қараша, 2024
Астанада «Jastar fest» жас көшбасшылар форумы өтті. Ұлттық құндылықтар, патриотизм, адамгершілік, адалдық, ізгілік қағидаттары кеңінен насихатталған ауқымды іс-шара қаланың Жастар саясаты мәселелері басқармасы қолдауымен ұйымдастырылды.
Үкімет • 31 Қазан, 2024
Үш жылға арналған республикалық бюджет бекітілді
Келер жылы ел экономикасы 5,6%-ға өседі. Яғни 2025 жылы бюджет кірісі 15,6 трлн теңгені құрайды деп болжанып отыр. Бұл туралы кеше Мәжіліс спикері Ерлан Қошановтың төрағалығымен өткен палатаның жалпы отырысында айтылды. Жиынға Премьер-министр Олжас Бектенов пен Үкімет мүшелері арнайы шақырылды. Депутаттар қоғамда дау тудырған өткір мәселелерді көтеріп, күн тәртібіндегі бірқатар заң жобасын қарады.
Құқық • 31 Қазан, 2024
Су ресурстары және ирригация министрлігі сыбайлас жемқорлықпен күресуге бағытталған іс-шараларды белсенді түрде енгізіп жатыр. Басты мақсат – саладағы бармақ басты, көз қысты әрекеттің алдын алу, министрлік қызметкерлері арасында адалдық пен ашықтық мәдениетін қалыптастыру.
Республика күні • 25 Қазан, 2024
Бүгін Роза Бағланова атындағы «Қазақконцерт» мемлекеттік академиялық концерттік ұйымының Қазақ мемлекеттік симфониялық оркестрі Республика күніне арналған классикалық музыка кешін өткізді. Жиылған қауымға Қазақстанның халық әртісі, «Қазақстанның Еңбек Ері», профессор, әлемге әйгілі скрипкашы Айман Мұсахаджаева өнер көрсетіп, маэстро Гудни Эмильсон дирижерлік етті, деп жазады Egemen.kz.
Қоғам • 25 Қазан, 2024
Егемендіктің алғашқы кезеңінен-ақ қазақ халқы мемлекет құраушы ұлт ретінде елдегі сандаған этнос өкілінің тілін, мәдениетін, тарихын сақтауына барлық жағдай жасады. Сондықтан Қазақстан әлемдік аренада гуманистік, демократиялық және толеранттылық сипатымен ерекшеленеді. Мерекені арқау етіп, этносаралық саясат төңірегінде ой қозғап жүрген азаматтарды сөзге тартқан едік.
Жастар • 22 Қазан, 2024
Пікірсайыс үздіктері анықталды
Республика күніне орай «Жастар рухы» жастар қанаты пікірталас турнирін ұйымдастырды. «Amanat» партиясының «Amanat cup» XХIІ пікірсайысына еліміздің әр өңірінен 120 жас қатысты. Олар әлеуметтік-саяси, экономика, экология, цифрлық әлеует сынды тақырыптарды қаузап, өзара бақ сынады.
Сұхбат • 19 Қазан, 2024
Бас прокуратураның мәліметіне сүйенсек, биылғы 9 айдың көрсеткіші бойынша кәмелетке толмағандар арасындағы қылмыс деңгейі 4,1 пайызға көбейген. Ел халқының жартысына жуығы жастар екенін ескерсек, бұл – өте алаңдатарлық ахуал. Осы орайда республикалық «Жас ұлан» бірыңғай балалар мен жасөспірімдер ұйымының атқарушы директоры Ақнұр Тұрдалиевамен әңгімелескен едік.
Еңбек • 19 Қазан, 2024
Жас буынды еңбекке қалай баулимыз?
Елдегі NEET санатындағы жастардың үлесі 7%-ды құрады. Көрсеткіш өткен жылмен салыстырғанда 0,9%-ға төмендеген. Десек те бұл дерек 35-ке дейінгі біраз азаматтың өмірден орнын таба алмай жүргенін көрсетеді. Оның үстіне отандық сарапшылар олардың деструктивті топтардың оңай олжасына айналуы мүмкін екенін айтады. Кәсіби білімі мен тұрақты жұмысы жоқ жас буынды еңбекке қалай баулимыз?
Саясат • 19 Қазан, 2024
Қоғамдық палата мүшелерімен кездесті
Мәжіліс төрағасы Ерлан Қошанов Қоғамдық палата мүшелерімен кездесіп, алдағы кезеңдегі күн тәртібі мен жұмыстың жаңа форматтарын талқылады. Сондай-ақ Мемлекет басшысының Жолдауында және мәслихат депутаттарының форумында айтылған тапсырмаларын жүзеге асыру бойынша депутаттық корпустың алдағы ауқымды жұмысы жөнінде ақпарат берді.
Үкімет • 17 Қазан, 2024
Бюрократиядан арылтудың заңнамалық негіздері пысықталды
Мәжіліс спикері Ерлан Қошановтың төрағалығымен палатаның жалпы отырысы өтті. Жиында Мәжіліс комитеттері депутаттардың қолдауымен «Мәдениет туралы» заңға өзгерістер енгізу, денсаулық сақтау саласындағы нормалардың артық заңнамалық регламенттелуін болғызбау, инновациялық қызмет саласын мемлекеттік қолдау жүйесін жетілдіру, қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша заң жобаларын қарап, жұмысқа қабылдады.
