Экономика • 16 Желтоқсан, 2024
Экономиканы отандық өнім өрге сүйрейді
Еліміз егемендік алғалы өндіріс өріс жайды. Қоғамның даму қозғалтқышы өнеркәсіп те жаңа даму кезеңіне қадам басты. Экономикамыздың бәсін биіктеткен бұл бағытты дамытуға дендеп кірістік. Нәтижесінде, әртараптандыру әр кіргізіп, заманауи технологиялар табысты арттыра түсті. Шетелдік инвестиция игілігін де көріп отырмыз. Кәсіпорындар әлеуеті әуелеген сайын жаңа зауыттар мен фабрикалар ашылып жатыр. Мәселен, биыл жыл басынан бері 570 млрд теңгеге 40 жаңа жоба іске қосылып, 6,9 мың тұрақты жұмыс орны құрылған.
Технология • 13 Желтоқсан, 2024
Жасанды интеллект табиғи өсімге жол ашады
«Google» компаниясының бас атқарушы директоры Сундар Пичаидың «Жасанды интеллект (ЖИ) – электр қуаты сияқты, қандай салаға енсе де, шексіз мүмкіндікке жол ашады» деген сөзі бар. Расында, ол кейінгі онжылдықта тек технология саласының емес, бүкіл өндірістің ажырамас бөлігіне айналды. Өнім сапасын бақылаудан бастап, өндіріс үдерістерін автоматтандыруға дейінгі тізбекте тізгін ұстап жүр. Бірақ бұл – бастамасы ғана. Болашақта ЖИ өндірісті адам танымастай өзгертеді. Біздің ел де елеулі үрдістен қалыс қалмауға барынша қамданып жатыр.
Инфляция • 12 Желтоқсан, 2024
Инфляцияның өзгеруі әлемдік нарықтағы жағдайға, экономика құрылымына әрі қаржы нарығының даму деңгейіне байланысты. Сол себепті, алдағы бір жылда елімізді қымбатшылық қысуы мүмкін. Ұлттық банктің тапсырысымен жүргізілген зерттеуде келер жылдары инфляция 14,1% болады деген болжам бар.
Ипотека • 11 Желтоқсан, 2024
Жеңілдетілген ипотека: Депозит өсіп, жарна көлемі төмендейді
«Отбасы банк» жеңілдетілген ипотекалық бағдарламаларға келер жылдан бастап біршама өзгеріс енгізбек. «Наурыз» бағдарламасының ипотекалық талаптары күшейіп, салымшылардың депозитте жинауға тиіс қаражаты көбейеді. Сондай-ақ алғашқы жарнаны 10%-ға төмендету мәселесі кезекте тұр. Мұның бәрін Үкімет отырысында «Отбасы банк» басқарма төрағасы Ләззат Ибрагимова айтты.
Шаруашылық • 07 Желтоқсан, 2024
Дәнді дақыл жинаудан рекорд жасалды
Ауыл шаруашылығы – экономиканың маңызды салаларының бірі. Бүгінде халықтың 37%-дан астамы ауылдық жерлерде тұрады. Ал осы сектордың даму деңгейі ел әл-ауқатына тікелей әсер етеді. Биыл жемісті жұмыстар оң нәтижесін берді. Еліміздің диқандары дәнді дақыл жинаудан рекорд жасады.
Салық • 06 Желтоқсан, 2024
Мемлекет басшысы Қасым-Жомарт Тоқаев халыққа Жолдауында «Үкімет пен Парламентке жаңа Салық кодексінің жобасына қатысты жан-жақты талқылау жүргізуді тапсырамын. Қиын болса да, дұрыс шешім қабылдау қажет. Бұл жерде асығыстыққа жол беруге болмайды. Жаңа Салық кодексін сапалы әзірлеу үшін оны қабылдау мерзімін келесі жылға ауыстыруға болады деп санаймын», деген еді. Маңызды құжат келер жылы қабылданып, 2026 жылғы қаңтардан қолданысқа енеді деп жоспарланып отыр. Бұл туралы жұмыс тобының жетекшісі әрі Мәжіліс депутаты Берік Бейсенғалиев жақында ғана Алматыда өткен Қоғамдық палатаның көшпелі отырысында айтты.
Экономика • 06 Желтоқсан, 2024
Әлеуеті артқан әлеуметтік сала
Білім, денсаулық сақтау салаларының сапасын арттырып, азаматтарды әлеуметтік қорғауды нығайту – кез келген мемлекеттің келелі мәселесі. Елімізде осы міндеттердің шеңберінде бірқатар реформа жасалып, маңызды жобалар жүзеге асырылып жатыр. Биыл, әсіресе, әлеуметтік төлемдер мен жалақыны арттыру, тұрғын үй құрылысы, денсаулық сақтау, білім беру салаларын жаңғыртуға жіті назар аударылды. Бұған бюджеттің 52,8%-ы әлеуметтік салаға бағытталғаны дәлел.
Салық • 03 Желтоқсан, 2024
Салық та адалдықты талап етеді
Салық – мемлекеттің экономикалық тұрақтылығы мен қоғамдық игілігін ілгерілететін басты құрал. Азаматтардың адал төлемдері арқылы денсаулық сақтау, білім беру, инфрақұрылым сынды маңызды салалар қаржыландырылады. Алайда салық жүйесінің тиімділігі халықтың сенімі мен мемлекеттік басқарудың ашықтығына тікелей байланысты. Биыл елімізде 12,5 трлн теңгенің орнына 9 трлн теңге салық түскен. Яғни 10 айдың салық жоспары 27,6%-ға орындалмай тұр.
Инфрақұрылым • 27 Қараша, 2024
Жауапкершілік пен кәсібилік салаға серпін береді
Премьер-министр Олжас Бектеновтің төрағалығымен өткен Үкімет отырысында цифрландыру саласын дамыту, сонымен қатар теміржол мен транзиттік әлеуетті арттыру мәселесі талқыланды.
Кәсіпкер • 22 Қараша, 2024
Оңтүстіккореялық экономист Ха-Джун Чанг «Барлық сұрақтарға бір ғана дұрыс жауабы бар ғылым – экономика емес. Ол – әртүрлі теориялық көзқарастар бір-бірімен бәсекелесетін, нақты жағдайларға қарай бірнеше мүмкін шешімдер ұсынылатын ғылым» дейді. Плюралистикалық тәсіл экономикалық құбылыстарды жан-жақты түсінуге мүмкіндік береді. Біз де осы көзқарасқа біртіндеп келе жатқандаймыз. Себебі «Атамекен» ҰКП Төралқа төрағасы Райымбек Баталов «bottom up» моделіне жіті назар аударып, палатаның жаңа тынысын ашпақшы.
