Әдебиет • Кеше
«Айқап» журналында жарияланған алғашқы өлең кімдікі екенін білесіз бе? Журналдың ең алғашқы №1 санында Ыбырайдың өлеңі басылды. Өлеңге «Марқұм Ыбырай Алтынсарин сөзі» деген түсініктеме берілді. Ал сол кездегі көзі тірі ақындардан алғаш жарияланған Мағжан Жұмабаевтың «Жатыр» өлеңі еді. Мағжанның жыры «Айқаптың» №2 санында жарияланды.
Қоғам • Кеше
Кекілбаев тұлғасына арналған кітап
Президент жанындағы Мемлекеттік басқару академиясы ғимаратында мемлекет және қоғам қайраткері Әбіш Кекілбайұлының өмірі мен қызмет жолына арналған «Кекілбаев тұлғасы» кітабының тұсаукесер рәсімі өтті. Іс-шараға Парламент депутаттары, қоғам қайраткерлері, зиялы қауым өкілдері және академия қызметкерлері қатысты.
Қоғам • 16 Сәуір, 2026
Италияның Болонья қаласында халықаралық «Bologna Children’s Book Fair» кітап көрме-жәрмеңкеcі өтті. Балалар кітаптарының жәрмеңкесі 1963 жылдан бері ұйымдастырылып келеді. Биыл көрмеге алғаш рет еліміздің баспалары қатысты.
Қоғам • 10 Сәуір, 2026
«Ауыл» партиясының ұйымдастыруымен Астанадағы Ұлттық музейдің мәжіліс залында «Батаменен ел көгерер» атты республикалық батагөйлер байқауы қорытындыланды. Салтанатты жиында Мәжіліс депутаттары Жигули Дайрабаев, Ерболат Саурықов, сондай-ақ «Ауыл» партиясы төрағасының орынбасары Қуаныш Сейітжанов сөз алып, байқау жеңімпаздарын марапаттады.
Кино • 10 Сәуір, 2026
Талантты режиссер Абдолла Қарсақбаев түсірген тамаша фильм көп-ақ. Соның ішінде шоқтығы биік туындысы – 1966 жылы экранға жол тартқан «Қилы кезең» көркем фильмі. Қилы кезеңнің қалтарыс-бұлтарысын астарлап жеткізген, қазақ тарихында айшықты орны бар фильмнің жарыққа шыққанына – 60 жыл. Осы фильм авторы, сұңғыла суреткер Абдолла Қарсақбаевтың туғанына 100 жыл толады.
Жәдігер • 08 Сәуір, 2026
Профессор Тұрсынбек Кәкішұлы «Сандалтқан «Садақ» кітабында көктен іздегені жерден табылғандай, осы тарихи қолжазба журналдың бірнеше санын профессор Қайыржан Бекхожиннен алғанын шабыттана жазады. «Қаптаған көп кітаптың арасынан қалыңдығы төрт елі, мұқабасы жыртылған маталы түптің жоғары және төменгі жағына әшекейлеп қара бояумен өрнек салып, орта тұсына «Садак киргизов» деп тасқа басылған сөзі бар, 575-бетіне «Ғалия» кітап-оқуханасы деген таныс штамп басылған салмақты да көлемді кітапты қолыма ұстатты. Жүрегім жарылып кетердей тулап қоя берді», дейді ол. Біз де осы мөрді көруге асықтық.
Зерде • 03 Сәуір, 2026
Алаш тұлғасының қаламгерлік бастауы
Алаш көшбасшысы Әлихан Бөкейхан қоғамдық-саяси қызметімен қатар журналистикаға да елеулі үлес қосты. Оның алғашқы мақалалары 1880 жылдардың соңынан жариялана бастады. Петербордан жоғары білім алып Омбыға оралған соң, осы қаладағы басылымдарда қызмет етіп, қазақ халқының өзекті мәселелерін жариялай бастады.
Театр • 23 Наурыз, 2026
Елорда театрының Наурыздағы балаларға базарлығы
22-23 наурыз күндері Астана қаласы әкімдігінің Музыкалық жас көрермен театры «Наурыз-думан» деп аталатын балаларға арналған танымдық сазды ертегі жанрындағы мерекелік қойылым ұсынды. Екі күн қатарынан өткен қойылымының премьерасын көрген кішкентай көрермендер керемет әсерге бөленді, деп хабарлайды Egemen.kz.
Тарих • 21 Наурыз, 2026
Осыдан тура 100 жыл бұрын, «Еңбекші қазақ» газетінің 1926 жылы 22 наурыздағы санында Бейімбеттің «Наурыз күні» деген өлеңі жарияланды. Дәл осы жылдан бері Наурыз мерекесі «ескіліктің қалдығы» саналып, оны тойлауға тыйым салынды. 1988 жылдан бастап Наурыз қайтадан тойлана бастады. Осыған байланысты «Социалистік Қазақстан» газетінің 1989 жылғы 22 наурыздағы №68 санында Бейімбеттің «Наурыз күні» өлеңі қайта басылды.
Наурызнама • 21 Наурыз, 2026
Желдей жүйткіп кісінеген жылқы жылы есігімізден енді. Қазақ жылқыны ұлттың рухани, мәдени, әлеуметтік өмірінің өзегі ретінде қарастырады. «Ер қанаты» деп бәсін биіктетіп, жеті қазынаның бірі деп бағалайды. Жылқы қасиеті, жасы, тегі, түсі, мінезі мен қабілетіне қарай бірнеше түрге жіктеледі. Сонымен қатар жылқының қазақ танымындағы орны ерекше. Осы орайда қазақ мифологиясында кездесетін суын, керқұдан (керқұлан емес), пырақ секілді ерекше тұлпарларға тоқталмақпыз.
