Пікірлер
Өткен аптада сенаторлар Конституциялық Заңға сәйкес Бауыржан Жұмағұлов пен Асқар Смайыловты басқа қызметке тағайындалуына байланысты Жоғарғы соттың судьясы қызметтерінен босатты. Жұмағұлов – Атырауға, Смайылов Алматыға сот төрағасы болып кетті. Осы ақпарат мына бір жайтты есіме түсіргені...
25 Мамыр, 2020
Экономикамызды өрге тартып тұрған – ірі кәсіпорындар. Елімізде 438 мың тіркелген заңды тұлға бар, оның шамамен 25 мыңы – өнеркәсіп, 54 мыңы – құрылыс саласында. Өнеркәсіп саласының үлесі ішкі жалпы өнімнің 34,1%-ы құрайды. Карантин жағдайында олардың көпшілігі жұмысын тоқтатуға, немесе шектеу жағдайында жұмыс істеуге мәжбүр. Осы орайда ұмытылған тәжірибе еске түседі, ол кәсіпорындар мен мекемелердің қосалқы ауыл шаруашылығымен айналысуы.
22 Мамыр, 2020
Жер шарын шарпыған пандемияға байланысты көптеген сарапшы мен маман енді әлемнің бұрынғыдай болмайтынын, көп нәрсенің өзгеретінін айтып жатыр. Рас шығар.
20 Мамыр, 2020
«Дінің тұрсын дін аман!» Заманның тыныштығын, елдің амандығын тілеген жамағат жиі айтатын қазақтың осы нақыл сөзінің мән-мағынасына терең үңілгенде бейбіт өмірдің берекесін қашырар себеп-бастаулардың алдыңғы қатарында адамдардың дініне, наным-сеніміне бағытталған қиянат пен зорлық, оған қарсылық, төзбеушілік әрекеттері тұратынына көзіміз жетеді.
19 Мамыр, 2020
Жұмырбасты пенденің әуелі қуанышын бейнелеуге асығатын лепті сөйлемдерді ұнататыны жасырын емес. Сымдай тартылған, тіп-тік, қасқайып, қайқайып тұратын, қойылған жерінің мән-маңызын арттырып, айбынын асырып көрсететін бұл айбарлы, маңғаз таңба бір қарағанда кербез кісідей көрінеді. Екі-үшеуі қатар келгенде сөйлемді тіпті түрлендіріп, дауысыңды ерекше көтеріп айтуға мәжбүрлейді. Кез-келген жай сөйлемнің өзін ұран мен үндеуге айналдыра алады. Сүйсінгеніңді, сүйінгеніңді сүйіншілеп тұрады. Бір нәрсенің аяқталғанын және оның жоғары деңгейде орындалғанын да айқындап береді. Бояуы қанық, бәдені бөлек, абыройы артық. Содан ба екен, кез-келген сөйлемнің соңына леп белгісін қоюға әуестене бастағандар бірте-бірте мақтануға, артық пафосқа берілуге, эмоцияның иіріміне түсіп, қиқулап қолпаштауға бейімделе кетеді.
16 Мамыр, 2020
Қабанбайды көрсетсең, Қарасай дейді...
Егер бір қазаққа Қабанбай батырдың портретін көрсетіп, «Мынау қай батыр еді?» десеңіз, бар қазақтың шатасатыны анық. Біреулері Бөгенбай деуі мүмкін, тағы біреулері Наурызбай, Райымбек, Ағыбай, Қарасай... деп өзі білетін батырлардың есімдерін тізіп шығады. Тіпті, Қабанбай ғой деп тап басып айтып қалуы да мүмкін.
14 Мамыр, 2020
Саксафон көмейінде сыңсыған ән
Елордадағы Бөгенбай даңғылының бойында бір-біріне қарама-қарсы орналасқан даңғарадай екі сауда үйінің қақ ортасымен жер асты жолы өтеді. Қазақтың ең әсем, ең сазды әндерін осы жер асты жолынан өткен сайын естіп жүретінмін.
13 Мамыр, 2020
Бұрынғыша өмір сүру енді мүмкін емес
Індет бүкіл әлемді жайлап кетті. Бір сәтте өмір тоқтағандай... Үлкен қалалардың көшелері қаңырап бос қалды. Көкейде күдік пен үрей де жоқ емес. Мемлекет тарапынан атқарылып жатқан батыл қадамдар мен нақты шараларға түсіністікпен қарап, оларға қолдау көрсеткеніміз жөн.
11 Мамыр, 2020
Шариғат үкіміне сай құрылмаған отбасылық тәртіп түбі баянды болмайды. Әсіресе Алланың әмірін, жаратылыс заңдылығын білген пенделер жүйесіз өмір сүре алмайды. Адамның тұлғалық қасиетінің жақсы немесе жаман болып қалыптасуына әсер етуші фактор – отбасы.
06 Мамыр, 2020
Азық-түлік қауіпсіздігін қамтамасыз ету – әр мемлекет үшін ұлттық қауіпсіздік жүйесіндегі күрделі мәселе. Сондықтан бұл да Қазақстанның ұлттық қауіпсіздігін қамтамасыз етудің құрамдас бөлігі саналады.
05 Мамыр, 2020
Қоғамдық келісім мен бейбітшіліктің маңызын ұғындырар ұлағатты ұғымдар санада жаңғырған сәттерде, іргесінен су кетіп, берекесі қашқан, татулық туын жығып алған кейбір елдердегі қиын жағдайларды ойлағанда ел ынтымағының, ел бірлігінің қаншалықты маңызды екенін терең түсінесің.
01 Мамыр, 2020
Қазақ суретшілерінің картинасы қаншалықты құнды?
Шынын айту керек, біз картиналарды көбіне музейлерден, үлкен кеңселердің төрінен көреміз. Кейбір жеке пәтер, үйлердің қабырғасына ілінген картиналарға енді-енді көзіміз үйреніп келеді. Онда да қылқаламмен салынған осынау дүниелердің маңызына, сапасына, авторына мән бере бермейміз. Көбіне гүл, табиғат көріністері, құйындатып шауып бара жатқан бір үйір жылқының суреттерін көріп, «тамаша екен» деп, тамсанумен тынамыз. Мерейтой иесіне картина сыйлағанда оның авторы кім, түпнұсқа ма, жоқ көшірме ме, ол жағы мүлдем айтылмайды.
30 Сәуір, 2020
Ұлтты құртатын жадағайлық, жалт беріп кететін, өзімшілдіктің құрдым құлына айналған рухсыздық. Керісінше болса, кемелдіктің көкжиегінде табаныңды нық тіреп, қадамың аршынды болады. Мерейің үстем тұрады.
29 Сәуір, 2020
Ассалаумағалейкүм, ағайын! Сексенінші жылдардың бас кезі. Жеті-сегіз жасар ойын баласымыз. Бірде жолды кесіп өте бергеніміз сол еді, жетектеп алған апам кілт тоқтады. Алыста аяңдап келе жатқан бір қарияны көзі шалып қалса керек. Небәрі екі метр жолдан өту үшін әлгі кісіні біраз күтуге тура келді. Жасы үлкен кісіге апамның сәлем салғаны, риза болған қарияның бізге мейірленіп бата бергені, содан кейін ғана жолдан өткеніміз есімде қалып қойыпты.
28 Сәуір, 2020
Бір көкемнің: «Құздан құлап бара жатса да адамның құлқыны бүлкілдеуін қоймайды», дегені бар. Сонда мен іштей: «шыбын жаны қиылғалы тұрған сәтте кім құлқынының қамын ойлай қояды дейсің...», деп оның айтқанымен келісе қоймағанмын. Кейін ойлап қарасам, әлгі көкем мен ойлағандай емес, кейбір адамдардың қандай жағдайда болсын жемсауын толтыруды бірінші кезекке қоятынын меңзеген екен ғой...
28 Сәуір, 2020
Коучингтің көкесі – бабалар мұрасы
Күн сайын құбылған алмағайып кезеңде замана ағымына неғұрлым тез бейімделіп, басқалардан бұрынырақ әрі жүйелі әрекет еткендердің аты озып, атағы шығып, материалдық жағдайы жақсаратыны түсінікті. Кейінгі жылдары коуч, коучинг, коучер деген ұғымдар тірлігімізге біршама дендеп енгені осыған байланысты болса керек.
27 Сәуір, 2020
Бірде Түркияға саяхат барысында кездейсоқ бір ақсақалмен әңгімелестім. Өмірден түйгені мол түрік қариясы: «Дұға-батаның қуаты орасан. Ғасырлар бойы ата-бабаң кәсіп еткен дүниемен айналысудың берекеті бар. Өйткені бұл дұға-тілекпен бекіген, тамыры бар дүние, сосын балама ақшаң көбейсе аяқ киім тігумен кәсіби түрде айналыс, мен де, менің әкем, оның әкесі де етікші болған деп ақыл айттым. Қазір шүкір, шаруасы дөңгелеп тұр», деді.
24 Сәуір, 2020
Қайбір жылы Шу ауданының әкімі екі кештің арасында ескі шәпкісі мен күпәйкеге ұқсас қалың күртешесін киіп, жалғыз өзі көше аралап шыққан ғой. Сөйтіп жақын маңдағы мектептің ауласына кіріп, от жағатын жағын көріп, шетінен барлап келе жатса, алдынан қарауыл шығып қалыпты.
23 Сәуір, 2020
Тәжтажалдың басты соққысы сәлемдесуге келіп тигенін қараңызшы. Қол беріп амандасу қорқынышқа айналып, кісімен кезіксе, үркіп қашатын әдет келгелі адамдар да амандық-саулық сұрасудың жаңа түрлеріне бейімделіп, кейбірі күлкі шақырса да, микробтан қорғанудың ең дұрыс шешімі ретінде түрлі баламаларды ойлап тауып, қабылдауға мәжбүр болып отыр.
22 Сәуір, 2020
Өркениет көркем ниеттен басталады. Өрелі өркениетке бастаған сондай көркем ниеттің бір көрінісі – ғұлама әл-Фараби мен Жүсіп Баласағұнның шығармалары екені анық. Бұл тұста отырарлық ғұлама ислам философиясы арқылы бірнеше мәдениетке ықпал етіп, адамзат өркениетінің өрісін кеңейтсе, таза түркі тілінде жазған баласағұндық бабамыз түркі-ислам өркениетінің қалыптасуына қызмет етті. Осы бұлақтардан сусындаған Абай да араға ғасырлар салып, қазақ өркениетінің негізін қалады.
21 Сәуір, 2020