Бастапқыда штат ассамблеясы мүшесінің қарапайым бастамасы ретінде басталған бұл науқан қысқа уақыт ішінде тарихи жеңістерге ұласты. Мамдани тәуелсіз кандидат ретінде қатысқан бұрынғы Нью-Йорк штатының губернаторы Эндрю Куомоны бастапқы сайлауда және негізгі сайлауда да жеңіп шықты.
Сейсенбі күні кешкі сағат 9:00-де сайлау учаскелері жабылды. Бұл сайлау қала тарихындағы ең жоғары дауыс беру белсенділігімен ерекшеленді. 2 миллионнан астам тұрғын дауыс беріп үлгергенін жазады әлемдік БАҚ.
Зохран Кваме Мамдани (Zohran Kwame Mamdani) 1991 жылдың 18 қазанында туған. Демократиялық партия мен Америка Демократиялық Социалистерінің мүшесі. 2021 жылдан бері Нью-Йорк штаты Ассамблеясының 36-шы округінен, яғни Куинс ауданының Астория бөлігінен сайланған депутат болып қызмет етіп келген.
Қаланың жаңа мэрі Угандада үнді отбасында дүниеге келген. Оның анасы атақты кинорежиссер Мира Наир, әкесі үндістандық Уганда академигі Махмуд Мамдани. Зохран Мамдани 7 жасында Нью-Йоркке Оңтүстік Африкадан қоныс аударған. Ал АҚШ азаматтығын 2018 жылы алған.
Мамданидің саяси мансабы 2020 жылы Нью-Йорк штатының ассамблеясына сайланған тұстан басталған. Ол 2024 жылы Демократиялық партиядан 56,4 пайыз дауыспен праймеризді жеңіп, мэрлікке кандидат ретінде енген болатын.
