Жаңа министр Бас мүфтимен кездесті

Астана қаласында Қазақстан мұсылмандары діни басқармасының төрағасы Ержан қажы Малғажыұлы жаңадан құрылған Дін істері және азаматтық қоғам министрі Нұрлан Ермекбаевпен кездесті. Кездесуге Мәдениет және спорт вице-министрі Марат Әзілханов, Дін істері комитетінің төрағасы Ғалым Шойкин, Қазақстан мұсыл­мандары діни басқармасы діни істер бөлімінің басшысы Камалжан Тұрдыбаев және осы басқарма баспасөз бөлімінің басшысы Ағабек Қонарбайұлы қатысты. Ресми кездесуде жастарға дұ­рыс діни ақпарат жеткізу, діни оқу-ағарту жүйесін жетілдіру, имамдардың білімі мен тәжі­ри­бе­сін шыңдау, елімізде қалып­тасқан дінаралық келісімді одан әрі нығайту, халыққа діннің адам­гершілік, жалпыға бірдей мейірбандық құндылықтарын насихаттау мәселелері жан-жақты талқыланды. Министр Нұрлан Ермекбаев Қазақстан мұсылмандары діни басқармасының еліміздегі дін­аралық келісімді нығайтуға қосып жатқан үлесі үшін алғыс айтып, осы бағытта нәтижелі жұмыс жүргізіле беретініне сенім білдірді. «Егемен-ақпарат»