«Бұл ең маңызды мәселелердің бірі шығар. Мұны күздің басына қарай тоқтатуды жоспарлап отырмыз. Қыркүйекке қарай халықтың басым бөлігін вакциналап бітуіміз керек. Кейбір елдерде халықтың 60 пайызына дейін вакцина салдырғанын және маска тағу режимін алып тастауға рұқсат етілгенін көріп отырмыз, өйткені ұжымдық иммунитет бар. Осылайша адамдар бір-бірін қорғайды», деді Цой журналистке берген сұхбатында.
Оның айтуынша, егер қазақстандықтар қазір бетперде тағуды тоқтатса, вирус тарала береді, өйткені вакцина алмаған адамдар өте көп.
«Вирус адамнан адамға беріледі. Вакцина алған адамда вирустың таралуы тоқтайды. Егер адамдардың көпшілігі вакцина алса, вирус одан әрі басқа біреуге берілмейді», деді Цой.
