Boxrec.com сайты таратқан мәліметке зер салсақ, қазақ боксшысы 11 жетоқсан күні рингке шығуды жоспарлап отыр. Ол АҚШ төрінде өтетін бокс кешінде бақ сынап көрмек.
Соңғы рет осы жылдың мамыр айында шаршы алаңға көтерілген Батыр Жүкембаев кәсіби мансабында алғаш рет жеңілістің кермек дәмін татқан болатын. Пуерто-Рико елінің боксшысы Сабриэль Матиаспен қолғап түйістірген отандасымыз қарсыласына мерзімінен бұрын есе жібергені есте. Енді ол сол кездесуде кеткен қателіктерден сабақ шығарып, кәсіби мансабындағы жаңа қадамын бастап көрмек.
