«Тағы бір маңызды мәселе республикалық және облыстық маңызы бар жолдарды ұялы байланыс пен интернетке қосу. Интернет қазір осы жолдардың 25 пайызында ғана қолжетімді», деді Бағдат Мусин Үкімет отырысында.
Оның айтуынша, 2027 жылға қарай бұл жолдардың 100 пайызы интернет пен ұялы байланыспен қамтылады.
«Бұл іс-шаралар «Қолжетімді Интернет» ұлттық жобасы аясында операторларға берілетін салықтық преференцияларды және олардың инвестициялары мен республикалық және жергілікті бюджеттердің шығыстарын қаржыландыру арқылы жүзеге асырылады», деп қосты ол.
