Аймақтар • 05 Қазан, 2023

Әкім кубогі «OIY»-ға бұйырды

236 рет
көрсетілді
2 мин
оқу үшін

Соңғы уақытта жайдарманшылар Таразда жиі бас қоса бастады. Көңілді тапқырлар клубының ойындарына қызығатын жастар аз емес. Содан да болса керек, жергілікті билік бір жылдары ұмыт бола бастаған жайдарманшылардың жарысын жандандыруға ден қойып отыр.

Әкім кубогі «OIY»-ға бұйырды

Бұл жолы тәжірибелі коман­далар Тараз қаласы әкімінің ку­богі үшін бақ сынады. Оңтүс­тік­тегі «Номад» лигасының фи­нал­дық сайысы қай кезде де тар­тысқа толы жағдайда өтеді. Қы­зылорда, Түркістан облыстарынан және Шымкент қаласынан кел­ген мықты өнер ұжымдары мен тараздық командалар астары терең әзілдерімен Баласағұн атындағы орталық концерт залына жиналған жұртшылықтың езуіне күлкі үйірді.

Әдемі әзілдермен әдіптелген ойын қорытындысында тараздық «OIY» командасының еңбегін қазылар алқасы жоғары бағалап, бірінші орынға лайық деп тапты. Үшінші мегаполис саналатын Шымкент қаласынан келген «Ma­demuazel» ұжымына жүлделі екін­ші орын бұйырса, та­ғы бір тараз­дық топ «Қарасаз» коман­дасы үздік үштікті қорытын­ды­лады.

Ұйымдастырушылар бәсекеге толы жағдайда өткен финалдық кезеңде ерекше әзілімен дара­лан­ған жеке ойыншыға да жүлде тағайындапты. Нәтижесінде, қы­зыл­ордалық «Сұрап алмадық» коман­дасының мүшесі Әділжан Дәулетов финалдық кезеңнің «Үз­дік ойыншысы» атанды.

Жоғары деңгейде ұйымдас­тырылған финалдық кезең қоры­тын­дысында жеңімпаздар мен жүл­де­герлерді Тараз қаласы әкімі­нің орынбасары Дәуір Дәулетов құттықтап, қала әкімінің кубогі үшін өткен сайысқа арнайы келген көрші өңірлердің командаларына алғыс білдірді. Жүлде алған ұжымдарға қомақты қаржылай сыйлық табыстады.

«Қала күні мерекесі аясында Таразда бірнеше іс-шара жоғары деңгейде ұйымдастырылды. Жай­дарманшылар арасындағы жарыс көрерменнің көңілінен шыққаны сөзсіз. Қатысушы командалардың әдемі әзілдері жұрттың көңілін көтерді. Көпшіліктің көңілінен шығатын түрлі іс-шара алдағы уақытта да ұйымдастырылады», дей­ді Тараз қаласы әкімінің орынбасары Д.Дәулетов.

 

ТАРАЗ 

Соңғы жаңалықтар

Сұрақ қойған тотықұс

Қоғам • 30 Тамыз, 2025

Айна алдындағы фламинго

Табиғат • 30 Тамыз, 2025

Тұрғындар денсаулығын тексерді

Денсаулық • 30 Тамыз, 2025

Мерекелік марапат

Қоғам • 30 Тамыз, 2025

Ерен еңбек ескерусіз қалмайды

Жұмысшы мамандықтар жылы • 30 Тамыз, 2025

Маңдай тердің өтеуі

Еңбек • 30 Тамыз, 2025

Жаңа оқу жылындағы өзгерістер

Инфографика • 30 Тамыз, 2025

Үміт ақталады

Білім • 30 Тамыз, 2025

Тағдыршешті реформа

Ата заң • 30 Тамыз, 2025

Аралда ашылған мектептер

Мектеп • 30 Тамыз, 2025

«Абай» журналының ахуалы қалай?

Жәдігер • 30 Тамыз, 2025

Алғыс арқалаған кенші

Еңбек • 30 Тамыз, 2025

Мағжан мен Хайретдин

Зерде • 30 Тамыз, 2025

Тиянақты дайындық

Аймақтар • 30 Тамыз, 2025

Ғарыштан оқылған дәріс

Ғалам ғажаптары • 30 Тамыз, 2025

Қазақ сыныбын таңдағандар озады

Аймақтар • 30 Тамыз, 2025

Әлеуметтік жобаның әлеуеті

Қоғам • 30 Тамыз, 2025