Спорт • 28 Мамыр, 2024

12 жыл күттірген жүлде

42 рет
көрсетілді
2 мин
оқу үшін

«Қазақстанның танымал ауыр атлеті Анна Нұрмұхамбетова Лондон Олимпиадасының күміс жүлдегері атанды» деген жаңалықты жанкүйерлер жылы қабылдады.

12 жыл күттірген жүлде

Кезінде жастар буыны арасындағы жарыстарда жақсы нә­­­тиже көрсеткен Анна 2012 жылы Лондонда алауы тұтан­ған Олимпия ойындарында 69 кг салмақ дәрежесінде өнер көрсетіп, үздік бестікті түйін­деді. Оның көрсеткіші – 251 (115+136) кг. Алайда арада біраз уа­қыт өткеннен соң Беларусьтің қос спортшысы – аталған жа­рыстың қола жүлдегері Ма­рина Шкерманкова мен төр­тін­ші сатыға жайғасқан Дина Сазановецтің допинг қол­дан­ғаны анықталып, олар түрлі мерзімге үлкен спорттан шеттетілді. Соның арқасында Нұрмұхамбетова үшін­ші орынға көтерілді. Көп ұзамай күміс медальды иеленген румыниялық Роксана Кокоштың да қанынан рұқсат етілмеген дәрі-дәмектің нышаны табылып, ол да қатаң жазаланды. Осылайша, Лондон Олимпиадасының күміс жүлдесі біздің қызға бұйырды.

Күні кеше Перуде өткен жасөспірімдер арасындағы әлем біріншілігі барысында Ха­­лықаралық Олимпиада коми­тетінің (ХОК) құрметті мү­шесі Иван Дибос Лондон Олимпиадасының күміс медалін Анна Нұрмұхамбетоваға салтанатты түрде табыс етті. Сөй­тіп, арада 12 жыл өткеннен соң жүлде өз иесін тапты.

Салтанатты рәсімде тол­қы­нысын жасыра алмаған Анна: «Перудегі әлем чемпионатына келгенімен қуаныштымын. Бұл жерде маған Олимпиаданың медалі табысталды. Қазір қан­дай сезімде екенімді құр сөзбен жеткізе алмаспын. Мені марапаттаған федерация мен ХОК мүшесіне өз алғысымды білдіремін. 2012 жылғы Олимпия ойындарының күміс жүлдегері атанғаныма қуаныштымын. Бұл – менің мансабымдағы ең ірі табыс. Осы жарысқа қатысып жатқан жас спортшыларға табыс пен төзім және сәттілік ті­леймін», деп ағынан жарылды.

Соңғы жаңалықтар

Ер жігітке ерлік жарасады

Қоғам • Бүгін, 11:20

Аңызға бергісіз өмір

Еңбек • Бүгін, 11:10

Шеттің шаруақор әкімі

Аймақтар • Бүгін, 11:00

Қызмет жас буынды шыңдайды

Еңбек • Бүгін, 10:40

Жастарға – мол мүмкіндік

Жастар • Бүгін, 10:30