«Eurasian Resources Group» (ERG) — табиғи ресурстарды өндіру мен өңдеу, энергетика және логистика салаларын біріктірген әлемдегі аса ірі әрі әртараптандырылған компаниялардың бірі.
Форум корпоративтік оқытудың заманауи үлгілері мен инновациялық тәсілдерін ортаға салып, көшбасшылықты дамыту мен кадрлық әлеуетті нығайту жолдарын саралауды көздеген. Осы мақсатта халықаралық тәжірибелер мен ұтымды әдістер таныстырылып, кәсіби дамудың заманауи трендтері кеңінен талқыланды.
Жиынның негізгі спикерлерінің бірі – EFMD корпоративтік сервистерінің директоры доктор Мартин Мерле. Ол EFMD-дің жаһандық желісі туралы айта келіп, ERG-дің бастамасы елімізде ғана емес, бүкіл Орталық Азия аумағында корпоративтік оқытуды жаңа сапаға көтеруге мүмкіндік беретінін айтты. «Біз EFMD қауымдастығында корпоративтік оқытуды дамыту арқылы компаниялардың тиімділігін арттыра алатынымызды сан мәрте дәлелдедік. ERG-дің бұл бастамасы – аймақ үшін маңызды серпіліс», деді доктор Мерле.
Форумда сөз алған ERG корпоративтік университетінің директоры Валентина Сатарова білімге салынған инвестицияның маңызын айшықтады: «Корпоративтік оқыту – кәсіптің сенімді серіктесі. Біз ERG-де халықаралық стандарттарға сүйене отырып, адам капиталын тұрақты түрде қаржы құйып келеміз. Біздің жол – даму жолы», деді ол сеніммен.
Аталған компанияның еліміздегі бас директоры Серік Шахажанов та корпоративтік университеттің стратегиялық мәнін ерекше атады: «Кейінгі екі жылда 54 мыңнан астам қызметкеріміз оқудан өтті. Симуляторлар мен VR, үздік халықаралық платформалар ендірілді. EFMD-ден алған екі бірдей марапат – біздің ұжымдық еңбегіміздің нәтижесі», деді.
ERG елімізде алғаш болып корпоративтік оқыту орталығын өзге компаниялар үшін де қолжетімді етті. Топтың бастамасымен бүгінде алты ТКМ кәсіпорнында зерттеу жүргізіліп, ортақ сараптама мен бенчмарк базасы қалыптасып жатыр. Биылдан бастап бұл үрдіс кеңейіп, кәсіби қауымдастық қолдауымен ауқымды жобаға айналмақ.
ERG елімізде алғашқылардың бірі болып корпоративтік оқыту орталығын өзге компанияларға да ашық ұсынды. Топ бастамасымен қазірдің өзінде алты тау-кен металлургия кәсіпорнында зерттеу жүргізіліп, ортақ талдау мен салыстырмалы бағалау базасы қалыптасып келеді. 2025 жылдан бастап бұл үрдіс кәсіби қауымдастықтың қолдауына ие болып, ауқымды салалық жобаға айналмақ.
