Тәулік бойы үзіліссіз жұмыс істейтін ЖБО-ға «102» мобильдік қосымшасы мен арнасы арқылы келіп түскен барлық хабарламалар қабылданып, қылмыстық әрекеттерден азаматтарды қорғау және қоғамдық қауіпсіздікті сақтау үшін қызметкерлерге нұсқаулар беріледі. Экскурсия кезінде балалардың көзінше екі жүргізушінің көлік жүргізу кезінде ұялы телефон пайдаланғаны анықталды.
Орталықтан дереу нұсқау берілді: «Патруль, мына нөмірлі «Lexus»-ты тоқтатыңыз», «Патруль, қабылдаңыз: мына нөмірлі «Toyota» – жүргізуші телефон ұстап отыр».
Жолға зейін қоймаса, салдары ауыр болуы мүмкін. Екі жүргізуші де сол сәтте әкімшілік жауапкершілікке тартылды. Бұл жайтты экскурсияға келген жас қонақтар ЖБО мониторларынан бақылап тұрды.
ПЕТРОПАВЛ
