Бастапқы бәсекелерде америкалық Хейли Баптист, румыниялық Жаклин Кристиан және Украинаның қос теннисшісі – Даяна Ястремская мен Марта Костюкті жолынан ығыстырған жерлесіміз финалдың жолдамасы сарапқа салынатын сайыста Виктория Мбокомен кездесті.
Бұл ойында Рыбакинаның жеңіске жететініне күмәнданғандар кемде-кем еді. Себебі, 18 жастағы франциялық теннисші WTA рейтингінде Еленадан әлдеқайда төмен тұр. Ол 85 орынды иеленуде. Соған қарамастан бұл бәсеке 1:6, 7:5, 7:6 есебімен Мбоконың пайдасына шешілді.
