Әуеде қалықтайтын оркестр

Қазірдің өзінде 80 млн тең­ге­­ден астам қаражат жұмсал­ған мульти­ме­диялық думан өзін-өзі ақтай ма? Ауқымды жоба­ны жүрексінбей қолға алған халық­аралық деңгейдегі та­лант­тар тобы әрбір әні құлағы­мыз­ға сі­ңген қазақы композитордың әуендерін өз қалыбын­да бере ала ма? Интерпретация жете­­гіндегі жобадан Тілендиевтің қолтаң­басын көре аламыз ба? Осы мақсатта Алматыда жоба жетекшілері мен әлем­ге әйгілі скрипкашы әрі ­дирижер Марат Бисен­ғалиев журналис­термен кездесті.

Өйткені «Qustar» – жай концерт емес, Нұрғиса Тілендиевтің музыкалық мұрасымен өрілген өнер мен қазақ классиктерінің нақыл сөздеріне толы эксклюзивті бағдарлама болғалы отыр.

«Qustar» – композитор Нұрғиса Тілендиевтің ғасырлық тойына ар­нал­ған мультимедиялық шоу ғана емес. Бұл – біздің көрерменге, әсіресе жас ұрпаққа жаңа бағыт беру жолындағы талпынысымыз. Сондай-ақ мульти­медиялық шоудан канадалық композитор Дмитрий Вареласты, осы жобада әуеде құстар сияқты қалықтап жүріп өнер көрсететін Үндістан симфониялық оркестрінің (Symphony Orchestra of India) орындауындағы Mумбай дыбыстарын, пластикалық және бейнелеу театрының қарлығашы Анна Верденің режиссурасы мен хореографиясын, Марат Бисенғалиевтің виртуоздық скрипкасын, хордың ғажайып үйлесімі мен халық аспаптарында ойнайтын Абзал Арықбаев пен Анар Қасымованың қайталанбас талантын көруге болады.

Дегенмен, жобаны өз бастамамызбен жүзеге асырып отырмыз. Соны­мен қатар идеяны жүзеге асыру мен бағдарламаны әзірлеу бары­сын­да ком­позитордың туындыларын пай­далану­ға мүмкіндік берген, мүдделі­лік таны­тып әрі сенім артқан Нұрғиса Тілендиев­тің қызы – Дінзухраға шынайы алғыс ­айтамыз», дейді жобаның бас продюсері Қайрат Құлбаев.

Айтқандай, биыл өзінің 20 жыл­дығын атап өтіп жатқан «Symphony Orchestra of India» Алматыдағы премье­раға алғаш рет келгелі отыр. Ал осы­нау өнер ұжымын әлемге өзін мойын­датқан қандасымыз – Қазақстанның бейбітшілік елшісі Марат Бисенғалиев құрғанын еске салу ләзім.

Бір сөзбен айтқанда, Алматы осындай ерекше думанға дайындалып жатыр. Ал «Qustar» жобасы жалғасын табады. Әзірге альбомы жазылып,  сту­диялық жұмыстары аяқталды. Одан бөлек ұйымдастырушылар жоба­ның винил альбомын да шығарып, бір­неше елге гастрольдік сапармен баруды ­жос­парлап отыр.

АЛМАТЫ