Спорт • 22 Тамыз, 2024
Париж Олимпиадасы тұсында бас басылымда осы бәсекелердің барысы жөнінде құлаш-құлаш мақалалар жарық көрді. Мұнда негізінен ұлттық құрама мүшелерінің нәтижелеріне баса назар аудардық. Ал бүгін өзге мемлекеттерде қай спорт түрлеріне басымдық берілгенін анықтау мақсатында әрқайсысына жеке-жеке тоқталуды жөн көрдік.
Спорт • 17 Тамыз, 2024
Қазіргі кезде күллі әлем жұртшылығы 8-13 қыркүйек аралығында Астанада алауы тұтанатын V Дүниежүзілік көшпелілер ойындарын тағатсыздана күтіп отыр. Бірнеше спорт түрін қамтитын дүбірлі додаданың аса тартысты өтетініне қылаудай да күмән жоқ. Себебі ұйымдастырушылар тарапынан дайындық барысы қарқынды және қатысушы командалардың барлығы да көшпелілердің даналығы мен дәстүрін, мәдениеті мен өнерін көрсететін жауапты жарысқа қызу даярланып жатыр.
Спорт • 15 Тамыз, 2024
Еркін күресте есеміз кетіп жүр
Париж Олимпиадасында еркін күрестен Қазақстанның ұлттық құрамасына бірде-бір жүлде бұйырмағаны, әрине, өкінішті. Сенім артқан төрт балуан бастапқы бәсекелерінде жеңілістің кермек дәмін татып, елге еңсесі түскен күйде оралды. Бірақ одан жарыстың қызығы мен шыжығы еш кеміген жоқ. Барша жанкүйер әлемнің әр қиырынан келген сақа спортшылар мен дарынды жастардың «жан алысып, жан беріскен» айқастарын тамашалап, солардың өрелі өнерінен керемет әсер алды.
Спорт • 14 Тамыз, 2024
Париж Олимпиадасындағы грек-рим күресі шеберлерінің айқасын тамашалай отырып небір керемет көріністердің куәсі болдық. Осы жарыста бірқатар сенсациялық нәтиже тіркелді. Чемпиондар тұғырдан тайып, олардың орнын басқа балуандар басты. Кейбір салмақтағы сақа спортшылар өзінің мықтылығын кезекті рет мойындатты. Кейбір көкжалдар сүреңсіз өнер көрсетіп, қалың топтың арасында қалып қойды.
Олимпиада • 13 Тамыз, 2024
Париж Олимпиадасы: Жетістігіміз – жеті жүлде
Франция астанасы Парижде өткен ХХІІІ жазғы Олимпия ойындары аяқталды. 17 тәулік бойы жер-жаһанды дүбірге бөлеген байрақты бәсекеге 206 мемлекеттен келген 10 714 спортшы қатысты. Тарқатып айтсақ, Африкадан – 51, Еуропадан – 48, Азиядан – 44, Америкадан – 17 және мұхит жағалауынан 17 елдің өкілдері шеберлік байқасты. Бұған қоса бақ сынаушылар қатарында бейтарап спортшылар мен босқындар командасы болды. «Олимпиадалық бітім» деп аталатын көнеден келе жатқан ата дәстүрді бұзғаны үшін Ресей мен Беларусьтің жарысқа қатысуына қатаң шектеу қойылды. Үміткерлер 32 спорт түрі бойынша 329 медаль жиынтығын сарапқа салды. Ал кейінгі үш күнде еліміздің өрендері қалай өнер көрсетті? Бүгінгі мақаламызды осыдан бастасақ.
Спорт • 10 Тамыз, 2024
Бүгінгі таңда өнер көрсетіп жүрген спортшылар арасындағы ең атақтысы АҚШ-тың өкілі Кэти Лэдекин екені даусыз. Орта және ұзын қашықтыққа жүзетін 27 жастағы Вашингтонның тумасы Парижде 1 алтын, 1 күміс және 1 қола медальды иеленді. Оған дейін ол 2012 жылы Лондон, 2016 жылы Рио-де-Жанейро және 2021 жылы Токиодағы додаларда олжаға кенелді. Қазіргі кезде Кэтидің қоржынында 9 алтын, 4 күміс және 1 қоласы бар. Сөйтіп, Лэдекин Олимпиадада ең көп жүлде алған спортшылар тізімінде үшінші орынға көтерілді. Оның алдында тек америкалық жүзуші Майкл Фелпс (23 алтын+3 күміс+2 қола) пен КСРО гимнасшысы Лариса Латынина (9+5+4) орап тұр.
Спорт • 08 Тамыз, 2024
Футзалдан Қазақстан ұлттық құрамасының бас бапкері Пауло Рикардо Кака биыл күзде өтетін әлем чемпионатына қатысатын ойыншылардың кеңейтілген құрамын жария етті.
Спорт • 08 Тамыз, 2024
Швецияның атақты жеңіл атлеті Арман Дюплантис Париж Олимпиадасында теңдессіз өнерімен тағы да төрткүл дүниені тамсандырды. Сырықпен секірушілер сайысында ол 6 метрлік межені бағындырғанда-ақ, енді оған ешкімнің жете алмайтыны белгілі болды. Бірақ 24 жастағы саңлақ бұл белесті қанағат тұтпады. Алдымен Арман олимпиадалық (6,10 см), іле-шала әлемдік рекорд (6,25 см) орнатты. Алғашқы рекорд бразилиялық Тиаго Брасқа (6,03 см, 2016 жылы Рио-де-Жанейро) тиесілі еді. Екіншісінде өзінің көрсеткішін (6,24 см, 2024 жылы Сямын) жаңартты. Сөйтіп, бүгінгі таңдағы екі бірдей ғаламат көрсеткіш дәп осы Скандинавия түбегінің саңлағына тиесілі.
Олимпиада • 07 Тамыз, 2024
Демеу – финалда, Назымда – қола
Жетісу облысы Жаркент өңірінде дүниеге келген Демеу Жадыраевты 13 жасынан Жұмахан Тұрғанбек жаттықтырды. Баланың бойында бұла күштің бұғып жатқанын байқаған ауылдың қарапайым бапкері арада бес жыл өткеннен соң Алматыда еңбек етіп жүрген Боранбек Қоңыратовқа сеніп табыстады.
Спорт • 07 Тамыз, 2024
Еліміз сыйақы беруден де тоғызыншы орында
Парижде алауы тұтанған Олимпия ойындарында орасан зор табысқа қол жеткізген спортшыға ең көп сыйақы тағайындаған мемлекеттерді білесіз бе? Бұл көшті Гонконг бастап тұр. Олар алтын тұғырға көтерілген саңлаққа – 768 500, күміспен күптелгендерге – 384 000, қолаға қол созғандарға 192 000 доллар табыс етеді. Екінші орында – Сингапур. Оңтүстік-Шығыс Азияда орналасқан ел Үкіметінің белгіленген тарифі мынадай: алтын – 737 000, күміс – 369 000, қола – 184 000 доллар. Үздік үштікті Тайпей түйіндеп тұр. Аралдақтардың төлейтіні: алтын – 720 000, күміс – 251 000, қола – 178 000 доллар.
