Зерде • 29 Қаңтар, 2024
Қарағаштағы білімнің қарашаңырағы
Биыл атақты «Мамания» мектебінің ашылғанына – 125 жыл. Әуелі шағын медресе болып іргесі қаланып, кейін айтулы білім ордасына айналған Қарағаштағы қарашаңырақтың бүгінде қиқымы ғана қалған. Өкінішті-ақ. Кеңес идеологиясына уланған буын оны қажет етпеді. Дегенмен тарихтың аты – тарих, талай ұлт зиялыларын тәрбиелеген рухани мекен кімге де болса ыстық. Оны ұрпақтың ұмытпағаны абзал.
Тұлға • 22 Қаңтар, 2024
Қастеев тойына дайындық қалай жүріп жатыр?
Биыл қазақ бейнелеу өнерінің бозжусан бейнесіне айналған Әбілхан Қастеевтің 120 жылдық мерейтойы. Оған «Егеменнің» бетінде кеңінен тоқталғанбыз. Дегенмен халық санасында «ел-жұрты не істеп жатыр екен?» деген заңды сауал туады. Жақында қабырғалы қаламгер Бексұлтан Нұржекеұлы Жетісу облысы әкімінен суретшіге Жаркентте үлкен көше беруін сұрады. Одан бөлек, жерлестері музейіне де көңіл бөлінсе деген тілегін жолдауда.
Аймақтар • 20 Қаңтар, 2024
Жас ғалымдар аграрлы өңірдің әлеуетін көтермек
Жетісу – аграрлы өңір болғандықтан ғылымға бет бұрған жас ғалымдар ауылшаруашылығына қажетті өнімдерді зерттеп жатыр. Бұл игі іспен І.Жансүгіров атындағы Жетісу университетінің жанынан құрылған биотехнология және экологиялық ғылыми-зерттеу институты айналысып отыр. Орталық дәнді дақылдардың жаңа түрін ойлап тауып, экологиялық таза сүт өнімдерін әзірлемек. Біз осы орайда оқу орнына арнайы барып, жұмыс барысымен танысып қайттық.
Өнер • 17 Қаңтар, 2024
Халық әні ешқашан ескірмейді, қайта заман жаңарған сайын алтындай құны арта бермек. Сағынсаңыз, Жетісуға келіңіз! Жүректі елжіретер, жан толқытар әуендер қарсы алады. Оған дәлел – Дәнеш Рақышев атындағы филармонияның «Әнмен атқан таңдар-ай» атты концерті. Бұл кеш дәстүрлі әндердің тамырына қан жүгіртіп, қарашаның қиялына қанат бітірді.
Экономика • 17 Қаңтар, 2024
Жаркент туралы әңгіме қозғасақ, алдымен ауызға «Қорғас» шекара маңы ынтымақтастығы халықаралық орталығы», «Қорғас – Шығыс қақпасы» АЭА және «Нұр жолы» өткізу бекетінің қызметі түседі. Бүгінде өңірдің экономикалық локомотивіне айналған ауданның өндіріс саласындағы ілкімді бастамалары көңіл сүйіндіреді. Дегенмен кемшіліктер де аз емес. Соған орай облыс әкімі Бейбіт Исабаев бірқатар шаруашылықты аралап, кәсіпорындардың әлеуетін арттыруды тапсырды.
Қоғам • 17 Қаңтар, 2024
Қоғам екіге бөлінгенімен, Құдай алдында бәріміз бірдейміз. Сондықтан жаратылысы бөлек жандарға жанашар болған абзал. Осы бағытта облыстық С.Сейфуллин атындағы орталық кітапхананың Зағип және нашар көретін азаматтарға арналған бөлімі белсенді жұмыс жүргізіп келеді. Жетісудағы «Қазақ зағиптар қоғамында» 544 адам тіркелсе, соның 373-і – кітапхана оқырманы. Осыған орай кітапханашылар «Жанарым жүрегімде» жобасын қолға алған.
Шаруашылық • 16 Қаңтар, 2024
Жүгеріні азайтып, қызылшаны көбейтеді
Жетісу облысы былтыр ауылшаруашылық саласында айтарлықтай жетістікке жеткенімен, әлі де шешілмеген мәселелер баршылық. Ескі техника, жүгерішілердің жайы, субсидия, салық секілді түйткілдер әлі де шешімін күтіп тұр. Осы проблемаларды шаруалар өңірге жұмыс сапарымен келген Ауыл шаруашылығы министрі Айдарбек Сапаровқа айтты. Агроөнеркәсіп кешені саласының мамандарымен өзекті мәселелерді ортаға салып, ашық талқылады.
Еңбек • 15 Қаңтар, 2024
Күнделікті тұтынатын тамақтардың қатарында нанның рөлі жоғары. Нансыз қазаққа ас батпайды. Сондықтан оны кәсіп ретінде пайдаланған кез келген адамның өндірісінің ілгерілемеуі мүмкін емес. Бұл ретте жетісулық кәсіпкерлердің қарекетіне көңіл сүйінеді. Шағын наубайханасымен бүтін ауылды нанмен қамтамасыз етіп, мемлекеттің жәрдемінсіз-ақ табысқа кенеліп отырғандар бар. Ал кейбірі ауданнан ары асып, көрші мемлекеттің де сұранысына ие болған.
Ауыл • 15 Қаңтар, 2024
Жетісу жұрты көптен күткен Ескелді ауданына қарасты Қайнарлы және Сырымбет елді мекендерінде ауылдық әкімдік ғимараты пайдалануға берілді. Осындай игілікке тарихи том-том кітапқа жүк болар Қапал ауылдық округі де қол жеткізді. Ал Талдықорған қаласында облыс әкімдігі жанынан құрылған Азаматтарды қабылдау орталығы ашылып, өз жұмысын бастады.
Еңбек • 10 Қаңтар, 2024
Еңбектің үлкен-кішісі жоқ. Бұл қағидатты әр адамның санасына сіңіру маңызды. Тауықтың жұмыртқасын сатып та табысқа жетуге болады, тек ерінбесеңіз болғаны... Ал Құдай қолына өнер берсе, оның да игілігін көрген абзал. Мәселен, талдықорғандық кәсіпкер Ерлік Жақсылық мемлекеттік қолдауымен ағаштан ыдыс-аяқ жасайтын шағын цех құрды. Оның жасаған бұйымдары көтерме саудада үлкен сұранысқа ие.
