Аймақтар • 25 Қыркүйек, 2024
Жол-көлік оқиғаларының алдын алу, «Ақтөбе – Ұлғайсын», «Ақтөбе – Қандыағаш», «Шалқар – Бейнеу» тасжолдарының апатты жағдайы Көлік министрі Марат Қарабаевтың өңір тұрғындарымен кездесуінде көтерілді. Биылдан бастап Ақтөбе облысының 124 шақырым автокөлік жолы жөнделеді. Оған республикалық бюджеттен 65 млрд теңге қаржы бөлінді.
Зерде • 25 Қыркүйек, 2024
Бөкенбай Қарабатырұлын неге шатастырамыз?
Алматыдағы Ұлттық кітапханада Ақтөбе облысы «Ырғыз – Шалқар» тасжолы бойында орналасқан «Бөкенбайдың қарауыл төбесі» атанған тарихи орынға қатысты Ақтөбе облыстық мәдениет, архивтер және құжаттама басқармасының ұйымдастыруымен ғылыми кеңес өтті. 2000 жылдың басынан Ырғыз – Шалқар тасжолы бойындағы Бөкенбай Қарабатырұлының қарауыл төбесі маңайында ХVІІІ ғасырда тарихи оқиғалар өткен, саяхатшылар жазбаларында қамтылған. Ғылыми кеңесте мамандар 1710 жылы Қарақұм құрылтайында бас сардарлыққа сайланып, Аңырақай, Бұланты шайқастарында қазақ жасақтарын бастағанымен, әлі күнге дейін тарихи бағасын алмаған Бөкенбай Қарабатырұлына қатысты зерттеулермен бөлісті. Сондай-ақ Самара – Шымкент тасжолы бойындағы шоқының атауына қатысты талас-тартыс өршіп келеді. Ғылыми кеңесте зерттеу жұмысы аяқталғанша шоқының басына мүдделі адамдардың өз бетінше белгі қоюына тыйым салынсын деген шешім қабылданды.
Digital • 20 Қыркүйек, 2024
Мобильді қосымша жасаған оқушы
Ақтөбе қаласындағы Ұзақбай Құлымбетов атындағы №64 мектептің 7-сынып оқушысы Даниял Құрманғали Ахмет Байтұрсынұлы туралы толыққанды мағлұмат беретін мобильді қосымша әзірледі.
Аймақтар • 20 Қыркүйек, 2024
Ойыл ауданындағы көктемгі су тасқынынан зардап шеккен Ақкемер ауылының 16 тұрғыны жаңа баспанаға кірді. Аумағы 80 шаршы метр болатын 3 бөлмелі тұрғын үйлердің құрылысы Eurasian Resources Group (ERG) компаниясы бөлген қаражатқа салынып, құрылыс жұмыстарын «Hause Master Aktobe» мердігер компаниясы жүргізді.
Еңбек • 12 Қыркүйек, 2024
Шалқар ауылдық округінің Жылтыр және Талдықұм ауылдарында бірнеше шаруа қожалығы, 18 жеке кәсіпкер, 3 кооператив тіркелген. Ауылдағы жеке кәсіпкерлер төрт түлік малдың өнімдерін ұқсатып, құрт-май, ірімшік-сүзбе жасап, қымыз ашытып, түрік айранын шығарып отыр. Олар артылғанын Шалқар қаласына, көршілес аудандарға, облыс орталығына сатылымға шығарады. Жылтырда көлік жөндеу орталығы, тігін цехы да ашылған. 700-ге жетер-жетпес адамы бар ауылда екі жыл ішінде «Ауыл аманаты» жобасымен 129 млн теңгенің 20 жобасы мақұлданған. Мектебінің 89 оқушысы бар.
Өндіріс • 09 Қыркүйек, 2024
Ел металлургиясындағы ең заманауи өндіріс онжылдығын атап өтті
ERG құрамындағы «Қазхром» ТҰК» АҚ Ақтөбе ферроқорытпа зауытының №4 балқыту цехы онжылдық мерейтойын атап өтті. Қазақстан металлургиясының алғашқы қарлығашы – Ақтөбе ферроқорытпа зауытының №4 балқыту цехы аймақтағы ең ірі инвестициялық жобалардың бірі.
Отбасы • 07 Қыркүйек, 2024
Ойыл ауданы Ақкемер ауылы Жамбыл мектеп-балабақшасының бастауыш сынып мұғалімі, 39 жастағы Кәмшат Абылғазина – көпбалалы ана. Отбасындағы 9 баласының үлкені – 18 жаста, Ақтөбе медицина колледжінің 3-курс студенті. Екінші қызы биыл Қарағанды медицина университетінің фармацевтика факультетіне оқуға түсті. Екеуі де грантта оқиды. Алты баласы мектеп жасында болса, ең кенжесі – бір жаста.
Құқық • 05 Қыркүйек, 2024
Бала қауіпсіздігіне кім жауапты?
Жаңа оқу жылы қарсаңында облыстық полиция департаменті мен жергілікті полиция қызметі өңірдегі білім беру ұйымдары басшыларымен кездесіп, балалардың жолда жүру қауіпсіздігі жайын талқылады. Жыл басынан бері өңірде 424 жол-көлік оқиғасы болып, 599 адам әртүрлі деңгейде жарақат алса, 95 адам қайтыс болған. Өкініштісі, жол апаты биылдың өзінде 15 мектеп оқушысының өмірін жалмады.
Білім • 28 Тамыз, 2024
Бірінші қыркүйекте Ақтөбе облысының 433 мектебінде қоңырау сыңғыры естіліп, 180 мыңнан астам оқушы жаңа оқу жылын бастайды. Ал 1-сыныпқа 18 мыңнан астам балдырған қабылданды. Тамызда «Мектепке жол» акциясы аясында жергілікті бюджеттен әлеуметтік осал топтағы отбасы балаларына оқу құралдары мен киім-кешек сатып алуға жергілікті бюджеттен 761 млн 445 мың теңге бөлініп, ата-аналарының есепшотына аударылды. Жазғы демалыс күндерінде өңірдегі 48 білім беру нысанына күрделі жөндеу жұмысы жүргізіліп, 41 мектепте жаңа пәндік кабинеттер жасақталды.
Мирас • 15 Тамыз, 2024
Темір ауданының орталығы Шұбарқұдық кентінен үш шақырым жерде Досжан ишан Қашақұлының мешіті бар. Оның құрылысын Шилісу өзені бойынан ұста Бірмән Көшімқұлұлы 100 адаммен бірге көтерген. Бірер жыл бұрын Ресей мұрағатынан атыраулық өлкетанушылар 1904 жылы Досжан ишан мешітін алыстан түсірген Дублянскийдің фотосын тапты. Қара күзде не ерте көктемде түсірілген болуы керек. Бір-бірімен жалғасып жатқан қам кірпіштен тұрғызылған там үйлер. Медресе оқушылары мен ұстаздарына арнап салынған үйлер сияқты. Әріректе мешіттің желкенді мұнаралары көзге шалынады. Тарихшы-археолог Серік Әжіғали Досжан ишан мешітін бірнеше күмбезді «желкенді мешіт» қатарына қосқан.
