"Біз күйді орындамас бұрын, оның қалай жарыққа шыққанын, сол туындының авторы кім екендігін айтып беруіміз керек. Өкінішке қарай, сахнада, телеарналар мен радиоларда осы қағидалар сақталмай жатады. Көптеген әнші ескі әндерді бұрмалайтындықтан, мұндай жаңалықтарға тыйым салу қажет", деді А.Тасболатов Мәдениет мәселелері жөніндегі заң жобасын талқылау кезінде.
Еске сала кетейік, бүгін Мәжілісте Мәдениет мәселелері бойынша кейбір заңнамалық түзетулерді мақұлдады. Заң жобасындағы жаңашылдықтың бірі мәдени іс-шараларды ұйымдастырушылардың музыкалық шығармаларды орындаушылардың фонограмманы қолдануы туралы алдын ала көрермендерге хабарлауы тиіс.
