Жол қозғалысы қауіпсіздігін қамтамасыз ету және цифрлық технологиялар орталығының директоры жеке кәсіпкермен келісе отырып, жол белгілерін қою жұмыстары орындалды деп жалған келісім-шарт жасасқан. Тергеу барысында жұмыс орындалмай, бюджет қаржысының есепшотқа түскен бойы қолма-қол ақшаға аударылғаны анықталды.
Қалалық сот орталық директоры мен жеке кәсіпкерді ҚР ҚК 189-бабы 4- тармағымен айыпты деп танып, тапсырыс берушіні 8 жылға, мердігерді 7 жылға бас бостандықтарынан айыру жазасына кесті.
Үкім заңды күшіне енген жоқ.
Орталық директоры сегіз жыл жаза мерзімін өтегеннен кейін де өмір бойы мемлекеттік қызметке алынбайды. Сондай-ақ, сотталушы мердігер де жазасын өтегеннен кейін 10 жыл кәсіпкерлікпен айналыса алмайды.
