Қазақстан төрағалығы ортақ таңданыс тудыруда

Мемлекет басшысы Нұрсұлтан Назар­баев Ұжымдық қауіпсіздік Шарты ұйымының Бас хатшысы Николай Бор­дю­жаны қабылдады, деп хабарлады Қазақстан Республикасы Президентінің баспасөз қызметі. Н.Бордюжа Президентке би­ылғы жылғы 10 желтоқсанда Мә­скеуде өтетін ҰҚШҰ Ұжымдық қауіпсіздік кеңесінің отырысына әзірлік барысы туралы айтты. Кездесу барысында Н.Бор­дю­жа Қазақ­станның ЕҚЫҰ-ға төрағалығына жоғары баға берді. – Қазақстанның ЕҚЫҰ-ға төр­ағалығы жал­пыға ортақ таң­да­ныс тудыруда, – деді Н.Бор­дюжа. Кездесуден кейін журна­лис­тер­ге арналған брифингте Н.Бор­дю­жа биылғы жыл ЕҚЫҰ үшін серпінді жыл болғанын атап өтті. – Бұл Қазақстанның ЕҚЫҰ-ға төр­аға­лығы аясында қауіп­сіз­дікті қамтамасыз етуге қатысты өте маңызды іс-шараларды көп­теп өткізуіне байланысты болды. Сонымен қатар, бұл осы төрағалық аясында өте өткір мәсе­лелер қоз­ғалғанына және олардың шеші­луін­де қарқын барлығына байла­нысты қалыптасып отыр. Алайда, ең басты көрсеткіш – ол алда­ғы уа­қытта 11 жылғы үзілістен кейін өтетін ЕҚЫҰ-ның Саммиті. Оның үстіне, бұл сам­мит ЕҚЫҰ-ға мүше елдердің көптеген мем­лекет бас­шы­ларының қатысуымен өтетін бо­ла­ды. Бұл – серпіліс, – деді ҰҚШҰ-ның Бас хатшысы. Сондай-ақ Н.Бордюжа Қазақ­стан­ның ЕҚЫҰ-ға төрағалығы ҰҚШҰ-ға мүше мем­лекеттердің ке­ңістігіндегі қауіпсіздік жүйесіне тиісінше ықпал ететініне тоқ­та­лып өтті. – Қазақстанның ЕҚЫҰ-ға төр­ағалығы кезеңінде Қырғыз Рес­публикасындағы оқи­ға­лар орын алды және Қазақстанның төрағалы­ғымен Қырғызстандағы проблемалар шешімін тапты. Мұның маңыздылығы сонда, ЕҚЫҰ өз жұмысы аясында алғаш рет өз қызметін ҰҚШҰ-мен және өзге де халықаралық құры­лым­дар­мен үйлестіре білді. Біздің өкіл­деріміз Қырғызстандағы қай­ғылы оқиғалар бары­сын­да қыр­ғыз халқына көмек көрсету үшін тұ­рақ­ты түрде кездесулер өткізді, өздерінің сарап­та­малары бойын­ша ақпараттар алмасты, ең тиімді шараларды талқылады. Бұл өте ма­ңыз­ды әрі нәтижелі болды, – деді Н.Бордюжа. ҰҚШҰ-ның Бас хатшысы Қа­зақстанның ЕҚЫҰ-ға төрағалығы кезеңінде бес халықара­лық ұйым­ның – БҰҰ, ЕҚЫҰ, НАТО, ҰҚШҰ және ТМД-ның жоғары лауа­зымды тұлға­ларының кезде­су­лері бірінші рет өткізілгенін атап көрсетті. – ЕҚЫҰ-ның Астанадағы Саммиті ая­сын­да осы бес ұйым­ның лауазымды тұлға­лары­ның екінші кездесуі өткізілмекші. Ал бұл қауіпсіздік мәселелеріне ма­мандандырылған халықаралық ұйымдардың қызметін үйлестіру оңа­лып келе жатқандығын көр­сетеді, – деді өз сөзінде Н.Бор­дюжа. Суретті түсіргендер С.БОНДАРЕНКО, Б.ОТАРБАЕВ.