Заң мен Тәртіп • 04 Ақпан, 2025
Былтыр 1 шілдеде «Ғылым және технологиялық саясат туралы» заң қабылданды. Құжатқа қол қойылғанға дейін жобаға ғалымдар тарапынан отандық ғылымды дамытуға, саладағы біраз кедергіні жоюға, ғылыми ұйымдардың жұмысын жетілдіруге байланысты өте көп ұсыныс айтылды. Алайда түрлі себеппен қосылмай қалды. Олқылықтың орнын толтыру мақсатында заңға өзгерістер енгізілмек. Осыған орай өткен аптада Ұлттық ғылым академиясы ашық талқылау ұйымдастырды, пікірталасқа сол кездегі Ғылым және жоғары білім вице-министрі Дархан АХМЕД-ЗАКИ (материал даярланып жатқан кезде ректорлық қызметке ауысты – ред.), Мәжіліс депутаты Елнұр БЕЙСЕНБАЕВ, ғалымдар қатысты. Отырыстағы орынды ойлар мен лайықты уәждердің жазбаша нұсқасын оқырмандарға ұсынамыз.
Білім • 30 Қаңтар, 2025
Инженер мамандарды даярлау түйткілі
Мемлекет басшысы былтырғы 12 сәуірдегі Ғылым және технологиялар жөніндегі ұлттық кеңестің отырысында халықаралық стандарттар мен тәжірибені ескере отырып, инженерлік кадрларды даярлаудың ұлттық моделін әзірлеуді тапсырды. Тапсырманы іске асырудың барысы қандай? Бұл туралы Орталық коммуникациялар қызметінде өткен брифингте баяндалды.
Білім • 29 Қаңтар, 2025
Пенсильвания университеті грант ұсынды
Оқу-ағарту министрлігінің таратқан ақпаратына сүйенсек, шетелдік белді жоғары оқу орнының грантын олжалаған оқушы бүгінде Назарбаев зияткерлік мектебінде білім алып жүр. Енді мектептегі оқуын бітірген соң, өзін шақырған Пенсильвания университетінде грантта оқи алады. Аталған университет Айви Лигасына (Ivy League – Американың және әлемнің ең үздік жоғары оқу орындар қауымдастығы) кіреді. Қауымдастық құрамындағы білім ордалары ондағы оқыту сапасының жоғарылығымен ерекшеленеді, қауымдастықтың құрамында Гарвард университеті секілді беделді оқу ордалары бар.
Білім • 25 Қаңтар, 2025
«Болашақ» стипендиясының талабы өзгерді
«Болашақ» стипендиясын тағайындау үшін үміткерлерді іріктеу қағидаларына өзгерістер енгізілді. Бұл туралы Ғылым және жоғары білім министрлігі хабарлады. Жаңа талаптардың тізбегіне көз салсақ, үміткерлерге үміт сыйлайтыны да, дайындығын пысықтауға итермелейтіні, бұрын болмаған категорияның түрі де бар.
Білім • 25 Қаңтар, 2025
Жеке мектеп: мүмкіндігі мен мәселесі
Білімге ден қойған мемлекетте мектептер бір ауысымда ғана жұмыс істейді. Ал біздің елде әлі күнге дейін үшауысымды оқу ошақтары бар. Бұған апатты жағдайдағы білім ұяларын қосыңыз. Мұның бәрі оқушы орнының тапшылығын тудырады, соған қоса білім сапасын төмендетеді. Бұл мәселені шешудің жолы – мемлекет пен жекеменшік әріптестігі аясында жеке мектептер желісін көбейту. Аталған жүйе осыған дейін 3–6 жастағы балаларды балабақшалармен қамтуды ілгерілеткен еді.
Сұхбат • 18 Қаңтар, 2025
Саясат Нұрбек: Зерттеу университеттері жаңа деңгейге көтерілуге міндетті
Ғылым мен жоғары білім саласы өткен жылы неден ұтты, неден ұтылды? Жаңа жылда қандай өзгеріс күтіп тұр? Бұл саланың болашағы қандай? Осы және басқа да сұрақтарға жауап алу үшін Ғылым және жоғары білім министрі Саясат Нұрбекті сөзге тарттық.
Білім • 16 Қаңтар, 2025
Биыл білім саласын не күтіп тұр?
Осы жыл оқыту жүйесінде «Білімді ұлт» ұлттық жобасының тәмамдалатынымен маңызды болғалы тұр. Аталған жобаны 2021–2025 жылдары барлық деңгейде (мектепке дейінгі, орта, кәсіптік-техникалық, жоғары, қосымша және инклюзивті білім) сапасын арттыруды көздейтін ауқымды жоспарлар жиынтығы деуге келер. Саланы алда не күтіп тұрғанын сол «Білімді ұлт» жобасынан болжауға болатындай. Осыдан өзге қандай мақсат, нендей меже көзделген? Діттеген мұратқа жеткізетін нақты міндеттер қайсы? Бағамдап көрейік.
Білім • 16 Қаңтар, 2025
Осы аптаның басынан қаңтар айында өтетін ұлттық бірыңғай тестілеу (ҰБТ) басталды, бұл 10 ақпанға дейін жалғасады. Ғылым және жоғары білім министрлігінің ақпаратына сүйенсек, 167 мыңға жуық адам ҰБТ-ға қатысуға өтініш берді. Олардың 76,7%-ы қазақ тілінде, 23,2%-ы орыс тілінде, 142 адам ағылшын тілінде тестілеуден өтуге ниет білдірді.
Білім • 11 Қаңтар, 2025
«Болашақ» бағдарламасымен қаншама мыңдаған жас шетелде білім алды. Бұл өз кезегінде еліміздің кадрлық әлеуетін арттыруға айтарлықтай ықпал еткені анық. 30 жылдан аса тарихы бар стипендияның шарттары, талаптары жыл өткен сайын заман ағымына қарай жетілдіріліп, өзгертіліп отырды. Соған қарамастан осы бағдарламаны үйлестіруші ұйымға, жұмысына, жалпы бағдарламаға қатысты оң көзқарастармен қатар, сыни пікірлер де толастамай келеді. Жақында тағы да шу шықты, біз бұны да байыптап көрдік.
Білім • 31 Желтоқсан, 2024
Білім саласы: балабақшадан колледжге дейін
Биыл мектепке дейінгі, орта, кәсіптік-техникалық, қосымша, инклюзивті оқыту жүйесінде нақты нендей нәтижеге қол жетті? Қай мәселе күн тәртібіне шығып, дәл қайсысы шешілді? Сандар «сөйлегенде» сапамен үйлесім тапты ма? Оқу-ағарту министрлігі ұсынған деректерге сүйеніп, шолу жасап көрген едік.
