Сұхбат • 26 Шілде, 2025
Қазақ тазысы: жаһанға танылу жолы
7-10 тамыз күндері Финляндия астанасы Хельсинкиде «World Dog Show-2025» бүкіләлемдік иттер көрмесі өтеді. Мұнда тұңғыш рет FCI аясында алдын ала мойындалған тұқым ретінде қазақ тазысы ресми түрде таныстырылады. Тазы тұқымының пайда болуы мен таралу тарихы, ерекшеліктері, артықшылықтары, бағым-күтімі жан-жақты баяндалады. Көрме төрінде ақшаңқан киіз үй тігіліп, «Қазақ тазысына» арналған стенд, көрнекіліктер қойылады. Тақырыпқа қатысты ақпараттық буклеттер, кәдесыйлар қонақтарға таратылады. Басты мақсат – тұқымның халықаралық мәртебесін нығайту, «Kazakh Tazy» брендін кеңінен насихаттау. Тазы – халқымыздың бірегей қазынасы, дала азаматының сенімді серігі, жүйріктігімен, ақылдығымен, сабырлылығымен ерекшеленетін асыл тұқымды ит. Желмен жарысқан жүйрік, шапшаң қозғалып, аңды алыстан көріп, ізіне түсіп ұстайтын ілкімді жаратылыс. Түлкі, қоян, қарақұйрық секілді аңдарды ұстауға пайдаланылады. Адамға тез бағынады, талап пен сенімнің арасын жақсы ажыратады. Халқымыз асылдығын айрықша бағалап, «жеті қазынаның бірі» деп атаған. Батырлар жырында, ертегілер мен аңыздарда тазы бейнесі сомдалған. Бүгінде тазы саны күрт азайған. Сондықтан оны асылдандыру, қорғау, көбейту мәселесі күн тәртібіне шықты. 2023 жылы қазақы тазы мен төбет ЮНЕСКО-ның материалдық емес мұралар тізіміне енді. Соның негізінде арнайы көрмелер мен байқаулар жиі өткізіліп, қоғам назарын аударды. Тазының еліміздегі және жаһандағы тағдыры, танымалдығы бәрімізге байланысты. Ең бастысы, мемлекеттік көзқарас айқын.
Құтқарушы • 26 Шілде, 2025
Астана қаласындағы №4 мамандандырылған өрт сөндіру бөлімінде салада ұзақ жылдар бойы қалтқысыз, адал еңбек еткен құтқарушыларға пәтер кілті тапсырылды. Дәл осы күні азаматтық қорғау органдарының бөлімшелері қызметтік автокөлікпен толықты.
Қоғам • 25 Шілде, 2025
Шипажайға жолдама алудың тиімді тәртібі
Қазір санаторий, курортқа жолдама беру тәртібі электронды форматқа ауысқан. Цифрлық жүйеден хабары жоқ қала, ауылдың егде жастағы тұрғындары жолдама алу үшін түрлі мекемені жағалап, көмек сұрайды. Сөйтіп жүргенде жолдама түгесіледі. Есесіне, өтінішті бірінші болып үйден толтырғандардың бағы жанады. Сырқаттанбай тұрмайтын қариялар кейінгі жылдары осындай кедергіге кездесіп қалып жүр.
«Таза Қазақстан» • 25 Шілде, 2025
Еліміздің барлық аймағында тұрғындар «Таза Қазақстан» экологиялық акциясына бір кісідей қатысты. Қала, ауыл жұртшылығы, еңбек ұжымдары тонналап қоқыс шығарып, өзгелерге тазалық сақтаудың озық үлгісін көрсетті. Жаңа тұжырымдама шеңберінде былтыр және биылғы алты айда 874 экологиялық іс-шара өтті.
Медицина • 24 Шілде, 2025
Бұдан былай медбикелер дәрігер міндетінің бір бөлігін өзіне алады. Осы өзгеріс медициналық көмектің қолжетімдігін, сапасын арттыруы тиіс. Себебі дәрігердің жүктемесі біршама азайған соң олар әрнеге елеңдемей, жағдайы күрделі пациенттерге жіті назар аудара алады.
Медицина • 24 Шілде, 2025
Алғашқы медициналық көмекте ағаттық болмауы тиіс
Ел үкіметі алғашқы медициналық-санитарлық көмек жүйесін жетілдіруге бұрыннан көп көңіл бөледі. Әсіресе, кейінгі жылдары ауылда медициналық ұйымдарды көбейтуге, керек-жарағын түгендеуге басымдық берілген, деп хабарлайды Egemen.kz.
Мирас • 22 Шілде, 2025
«Мінсе көлік, жесе азық, ішсе сусын» болған жылқы малының қадір-қасиетін ежелден таныған қазақ бие сүтінің шипасын да жақсы білген. Содан болар, ауылдағы ағайын әлі күнге ел-жұрттың басын қосып, қымызмұрындыққа шақырады. Елордада бірінші мәрте ұйымдастырылған «BaiQymyz» гастрофестивалінен де біз байырғы дәстүріміз қымызмұрындық, Наурыз мерекесінің сарынын анық байқадық.
Экономика • 18 Шілде, 2025
«Ұлттық қор – балаларға» бағдарламасы аясында былтырғы жылдың ақпанынан шілдеге дейін 117 495 өтініш орындалып, 14,86 млн доллар өтініш берушілердің банктік шоттарына аудару үшін уәкілетті операторларға жолданған.
Өндіріс • 17 Шілде, 2025
Қант зауыттары қаншалықты қуатты?
Былтыр елдегі қант зауыттары 128 мың тонна шамасында өнім шығарды. Ел тұрғындары жыл сайын орта есеппен 550 мың тонна қант тұтынатынын ескерсек, біздің тауар сұраныстың 12%-ын ғана қамтып отыр. Қайбір жылдары шикізатты молынан өңдеген зауыттардың қазіргі өнімділік қуаты баяулады. Дәл осы қарқынмен отандық қант өндірісінің үлесін 100% былай тұрсын, 50%-ға жеткізудің өзі қиынның-қиыны болатын сыңайлы.
Медицина • 16 Шілде, 2025
«Медициналық сақтандыру жүйелі болуға тиіс»
Міндетті әлеуметтік медициналық сақтандыру жүйесі (МӘМС) енгізілгелі халықтың медицина қызметіне қояр талабы жоғарылады. Мемлекет басшысы Қасым-Жомарт Тоқаевтың тапсырмасымен Денсаулық сақтау министрлігі кейінгі бес жылда салаға бірқатар өзгеріс енгізді. Соның кейінгісі әрі ауқымдысы цифрландыруға, Бірыңғай мемлекеттік медициналық ақпараттық жүйені енгізуге қатысты болды. Бірер күн бұрын Президент МӘМС жүйесін жетілдіретін, медицина қызметінің сапасын тағы да жақсарта түсетін заңға қол қойды. Осы өзгерістердің жөн-жобасын, саладағы басқа да жаңашылдықтардың ретін Денсаулық сақтау министрі Ақмарал ӘЛНАЗАРОВАМЕН сұхбаттасқанда көңілге түйдік.
