Алматы • 18 Желтоқсан, 2024
Алматы облысында экспорт географиясының кеңеюі – аймақтың экономикалық дамуындағы маңызды жетістіктердің бірі. Бүгінде облыс 63 елге өнім экспорттаса, оның 90%-ын өңделген өнім құрайды. Өткен жылмен салыстырғанда, экспорт көлемі 565 млн доллардан 581 млн долларға өскен. Орталық коммуникациялар қызметіндегі баспасөз мәслихатында облыс әкімі Марат Сұлтанғазиев өңірдің әлеуметтік-экономикалық даму динамикасын жан-жақты баяндады.
Алматы • 11 Желтоқсан, 2024
Алматы облысы – инвестициялар мен халықаралық бизнес орталығы
Алматы облысы қарқынды дамып, экономика өсіміне және жаңа жұмыс орындарын құруға ықпал ететін ірі жобаларды жүзеге асыру арқылы инвестицияларды тартуды жалғастырып жатыр. Былтырғы жылдың қорытындысы бойынша облыс негізгі капиталға салынған инвестициялар мен тікелей шетелдік инвестициялар көлемі бойынша оң нәтижелер көрсетті.
Ұстаз • 11 Желтоқсан, 2024
Осыдан үш жыл бұрын «Тәуелсіздік ұрпақтары» атты республикалық байқауда жеңімпаз атанып, Ақордада Мемлекет басшысының қолынан 3 миллион теңге грант алған Жамбыл ауданы, Қарғалы ауылындағы Әсет Бейсеуов атындағы орта мектептің физика пәнінің мұғалімі Бақытәлі Даулетиярұлының есімі өңір ұстаздарының арасында топ жарып тұрғаны хақ. Содан бергі тынымсыз ізденіс пен еселі еңбектің нәтижесінде, Бақытәлі Даулетиярұлы «Қазақстан мұғалімі-2024» байқауында да ұлттық сыйлықтың жеңімпазы атанып, еліміз бойынша үздік деп танылған 10 ұстаздың қатарына қосылып отыр. Жеңімпазға 1 миллион теңгенің сертификаты табыс етілді. Сондай-ақ ол алда болатын «Әлем ұстаздары» байқауына қатысуға жолдама алғанын айрықша атаймыз.
Шаруашылық • 05 Желтоқсан, 2024
Ауыл шаруашылығы саласының мамандары марапатталды
Алматы облысы, Қонаев қаласында Ауыл шаруашылығы, тамақ және қайта өңдеу өнеркәсібі күні мерекесі аталып өтті. Іс-шараға 200-ден астам ауыл шаруашылығы қызметкері мен мамандар қатысты. Мереке саланың маңызын насихаттап, қызметкерлерінің еңбегін бағалауға арналды.
Аймақтар • 05 Желтоқсан, 2024
Қонаев қаласында ауқымды 3 базар жұмыс істейді. Қала тұрғындары ауылшаруашылық өнімдері мен азық-түлікті осы базарлардан сатып алады. Жуырда тұтынушылар «Алға» базарындағы келеңсіздіктерді әлеуметтік желіге жариялады. Онда базардың санитарлық талапқа сай еместігімен қоса, мерзімі өтіп кеткен азық-түлік тауарлары саудаланатынын мәлімдеген еді.
Алматы • 18 Қараша, 2024
Алматы облысында тұрғын үй құрылысы қарқын алды
Баспаналы болу – адам өмірінің ең қуанышты сәті. Олай болса, Алматы облысы халықтың тұрмыс жағдайын жақсартуға бағытталған тұрғын үй құрылысы саласын қарқынды дамытуды жалғастырып жатыр.
Алматы • 18 Қараша, 2024
Зағип балаларға арналған тұңғыш қазақ тіліндегі кітаптың тұсаукесері өтті
Қонаев қаласының мәдениет үйінде Алматы облысы әкімдігінің қолдауымен жарыққа шыққан «Bilte Qory» қоғамдық қорының зағип балаларға арналған брайль қарпіндегі «Айналайын» әңгімелер мен өлеңдер жинағының тұсаукесер рәсімі өтті.
Тұлға • 24 Қыркүйек, 2024
Ұлт руханиятына «Менің атым – Қожа», «Балалық шаққа саяхат», «Өлгендер қайтып келмейді» атты көркем туындыларымен олжа салған классик-жазушы Бердібек Соқпақбаевтың ғасыртойын кіндігі кесілген қасиетті топырағында Алматы облысы мен Райымбек ауданы әкімдігі өте жоғары деңгейде ұйымдастырды. Аспантаулар елінің асылын ардақтаған кеңпейіл, жомарт халқы біртуар қаламгердің 100 жылдық мерейтойына тайлы-таяғымен, еңкейген қарты, еңбектеген баласына дейін атсалысқанының куәсі болдық.
Өндіріс • 21 Қыркүйек, 2024
Инвестиция игілігін көрген кәсіпорын
Алматы облысындағы «СП «FastenersMetal» бірлескен кәсіпорны – отандық «Фирма «Бент» ЖШС және қытайлық «GKRailways» компаниясы арасындағы серіктестіктің оң нәтижесі. Ынтымақтастық туралы келісімге осы жылдың маусым айында аймақ басшысы Марат Сұлтанғазиевтің қатысуымен қол қойылған еді. Оның да өзіндік себебі бар. «GKRailways» жоғары жылдамдықты теміржолдарға арналған құрамдас бөлшектер өндіруде әлемдік көшбасшы компаниялардың бірі саналады.
Туризм • 20 Қыркүйек, 2024
«Көлсай – халқымыздың баға жетпес қазынасы»
«Көлсай көлдері» мемлекеттік ұлттық табиғи паркі – табиғаттың байлығы мен сұлулығын сақтай отырып, еліміздің экологиялық ахуалына маңызды үлес қосып келе жатқан ерекше аймақ, флорасы мен фаунасы, су айдындары мен табиғи экожүйесі – баға жетпес байлық. Соңғы жылдары қарағайлы тау қойнауына ерекше көрік беріп, мөлдіреп тұрған Көлсай көлдерін тамашалауға келген туристер саны да еселене түскен. Туристік аймақтың тыныс-тіршілігін білмекке «Көлсай көлдері» мемлекеттік ұлттық табиғи паркінің директоры Елнұр АХМЕТОВТІ әңгімеге тартқан едік.
