Аймақтар • 06 Маусым, 2024
Талдықорған: Әлеуметтік жобаларға басымдық
Жетісуға келген жұртты әуелі театр алдындағы хакім Абайдың асқақ ескерткіші қарсы алады. Зәулім ғимараттар, жаңа шағын аудандар, келелі кәсіпорындар жыл санап қаланың келбетін көркейтіп келеді. Биыл өнеркәсіп саласында 3 кәсіпорын іске қосылып, 2 өндірісті кеңейту жоспарланған. Қала әкімі Ернат Бәзіл қарашамен қатар жүріп, тұрғын үй мәселесін де тұрақтандырды.
Шаруашылық • 04 Маусым, 2024
Кербұлақ шаруасының көңілі шат
Кербұлақ еңбеккерлері ауа райының қолайлы сәтін барынша тиімді пайдаланып, бел жазбай шаруаға кіріскен. Аудандық ауыл шаруашылығы және жер қатынастары бөлімінің басшысы Мәди Саулхановтың сөзіне қарағанда, көктемгі егіс барлық талапқа сай іске асырылып жатыр. Дәнді дақылдарға арналған егістік алқабы – 117 653,4 гектар. Оның 26 085 гектарына күздік бидай, қалғанына жаздық дәнді дақыл себілмек. Оның ішінде жаздық арпа, бидай, сұлы, дәндік жүгері мен қарақұмық бар.
Аймақтар • 01 Маусым, 2024
Облыстық Қазақстан халқы Ассамблеясының «Бірлік – дамудың негізі» атты ІІІ сессиясының жұмысы қорытындыланды. Жиынға арнайы қатысқан облыс әкімі Бейбіт Исабаев ел бірлігін насихаттап жүрген азаматтарға алғысын жеткізді. Келер жылы күзде облыс орталығында Достық аллеясы бой көтереді. Сондай-ақ Достық үйіне ағымдағы жөндеу жұмыстары жүргізілмек.
Аймақтар • 01 Маусым, 2024
Демеушілер қолдауымен салынған спорт нысаны
Жетісуда елімізде бұрын-соңды болмаған ерекше спорт нысандары ашылмақ. Мұның бірі – «Жетісу» кәсіби волейбол клубына арналған жаттығу базасы. Құрылысы былтыр басталған орталықтың жұмысы аяқталуға жақын. Жергілікті ақжолтай азаматтардың қолдауымен жанынан спортшыларға арналған тұрғын үй де бой көтереді. Оған қоса үстел теннисі орталығы да іске қосылады.
Жәдігер • 31 Мамыр, 2024
Жетісудың төрінде бір рухани шаңырақ болса, ол – Жансүгіров музейі. Биыл Құлагер ақынның туғанына 130 жыл. Осы ретте әдеби мұражайына барып, қаламгер рухына тағзым еттік. Әрі сонда сақталған құнды жәдігерлерді көзбен көріп, көңіл бір босады. Солардың бірегейі – ақынның жейдесі мен төлқұжаты. Сонау мұңлы жылдардың жаңғырығындай осы заманға жеткен бағалы заттар есті естеліктің куәсіндей.
Тәрбие • 29 Мамыр, 2024
Оқушыларды еңбекке баулудың әдемі әдісі – бірлесе жұмыс істеп, нәтижесін бірге көру. Себебі еңбектің түбі береке екенін қолмен ұстап, жүрекпен сезбей іс өнбейді. Қараңызшы, бастауыш сынып оқушылары жылыжайға егін егіп, қызығын өздері көріп отыр. Талдықорған қаласына қарасты Ынтымақ аулындағы № 30 орта мектеп оқушыларының көктемдік көкөністері көп ұзамай жеміс береді.
Аймақтар • 28 Мамыр, 2024
«Sarqan» маркілі сапалы өсімдік майы жетісулықтардың ғана емес, шетелдіктердің де көңілінен шығып отыр. «Сарқан Май» кәсіпорнының ашылғанына көп болмаса да, тұтынушылар саны жылдан-жылға артып келеді. Бүгінде өнімдері Қытай мен Өзбекстанға да экспортталады.
Экономика • 25 Мамыр, 2024
Шаруалардың түйткілін шешетін зауыт
Жетісулық шаруалар егінге қажет судан тапшылық көріп отыр. Ал заманауи суару жүйелеріне қажет техниканың бағасы удай қымбат. Оны естіген жергілікті қожалықтар шыр-пыр болады. Облыстық ауылшаруашылық басқармасы оларға жаңбырлатып һәм тамшылатып суаруды міндеттейді. Енді осы мәселені шешу үшін облыс орталығында жаңа зауыт салынады.
Мәдениет • 25 Мамыр, 2024
Мәдениет майталмандары марапатталды
Мәдениеттің көшін алға оздырып жүрген әрбір маманның, талант иесінің тағдыр шұғыласының бір парағы сән-салтанатымен айшықталды. Көздің нұры мен көкіректің жырын қатар аңғартқан сол мәдениет саласының қызметкерлері Бикен Римова атындағы Талдықорған драма театрында әсем әнмен шалқып, күймен қалқығандай сезілді. Кейбір ардақтылар омырауына еңбегінің өтеуіндей көрінген төсбелгілерді тағынса, кейбір жерлестеріміз әртүрлі марапатқа ие болды. Ал Жетісу облысының Дәнеш Рақышев атындағы филармониясы үздік мәдениет мекемесі атанып, ұжымға автокөлік сыйға тартылды.
Талбесік • 24 Мамыр, 2024
Жетісуда «Таза Қазақстан» экологиялық акциясы әлі де жалғасып жатыр. Бүгінде облыс тұрғындары, волонтерлер, жастар ұйымдары, медициналық және білім мекемелерінің қызметкерлері, сонымен қатар өңір спортшылары мен өнерпаздары, жалпы 117 мыңнан аса адам атсалысып, 860 техника жұмылдырылды.
