Жұмысшы мамандықтар жылы • 22 Ақпан, 2025
Жетісуда «Жұмысшы мамандықтар жылына» орай қолға алынып жатқан түрлі жобалар аясында «Еңбекпен ер атанған» көш керуен мәдени іс-шаралары басталды. Ауыл-аймақтағы мамандық иелерін қанаттандыру мақсатындағы жоба барысында тұрғындар аудан орталығына жиналып, өз топырағынан шыққан еңбек майталмандарының ерлігін насихаттайды. Арнайы көрмелер ұйымдастырылып, мәртебелі мамандардың еңбегі айшықталады.
Аймақтар • 19 Ақпан, 2025
Жетісуда «Мизам» әдебиет мектебі құрылды
Жыл сайын мектептерде түрлі республикалық шығармашылық байқаулар ұйымдастырылады. Өлең не эссе жаза алатын оқушыны дайындауды мұғалімге жүктейді. Ал педагог қайтсін, өзі ақын не жазушы болмаса да балаға хәл-қадірінше бағыт-бағдар береді. Амал жоқ, жоғарыдан түскен тапсырма солай. Осы олқылықты түзету мақсатында һәм жастарды әдебиетке баулу үшін Жетісуда «Мизам» әдебиет мектебі құрылды.
Аймақтар • 13 Ақпан, 2025
Талдықорған қаласындағы 1,5 жас пен 18 жас аралығындағы ерекше қажеттілігі бар балаларға мамандандырылған әлеуметтік қызмет көрсететін «Бәйтерек» орталығы жанынан жаңа бөлім ашылып, мекеменің сыйымдылығы 110 жатын орынға өсті.
Аймақтар • 12 Ақпан, 2025
Президент пәрменінен кейін қазақы жылқыны асылдандыру жұмысы жүйеленгені белгілі. Игілікті істі ерте бастаған шаруалар да бар. Соның бірі – Ұлықбай шаруа қожалығы. Иесі – ауыл шаруашылығы саласының үздігі, білікті маман Сапарғали Сәтбаев. Еліміздің батысынан Бақбақтыға Мұғалжар жылқысын әкеліп, асылтұқымды қылқұйрықтың санын көбейткен. Бүгінде мыңға жуық таза қанды Қамбар ата түлігі өрісте жүр. Ондаған адамды жұмыспен қамтып, бүтін бір облыстың абыройын асырып отыр.
Аймақтар • 25 Қаңтар, 2025
Энергия жинақтау зауыты ашылады
Жетісу облысында 2024–2030 жылдарға арналған құны 3,5 трлн теңге болатын инвестициялық портфель қалыптастырылған. Оның аясында 190 жоба қолға алынып, бірнеше жұмыс орны ашылады. Бүгінде жоспарланған жұмыстардың басы басталып, нәтижесін беріп үлгерді. Мәселен, көптен күткен жел генераторлары мен энергия жинақтау жүйелерін шығаратын зауыт құрылысы басталды.
Аймақтар • 23 Қаңтар, 2025
Көгілдір отын арқылы өңірдің экономикалық мүмкіндігін арттырып, экологияны бұзбауға болады. Осы мақсатта Жетісу облысының кешенді газдандыру аймақтық бағдарламасы жолға қойылған. Соның нәтижесінде халықтың 60%-ға жуығы газға қосылып үлгерді. Алдағы 4–5 жылда 358 елді мекеннің 192-сін табиғи газбен қамтамасыз ету жоспарға енгізілген. Жаңа жыл қарсаңында тағы 6 мыңға жуық тұрғын табиғи газға қол жеткізді.
Аймақтар • 22 Қаңтар, 2025
Жетісу облысында балаларға арналған сауықтыру орталықтары көбейіп келеді. Мұның қуанышы да, әттеген-айы да бар. Қуанышы сол, түрлі сырқатқа шалдыққан жандарға жәрдем береді. Өкініштісі, сондай дертке душар болған балалардың қатары азаяр емес. Сол себепті 3-18 жас аралығындағы неврологиялық диагнозы бар балаларды кешенді оңалтуға бағытталған «Қамқорлық» оңалту орталығы ашылды. Мұнда алыс аудандарда тұратын балалар емделеді.
Әскер • 20 Қаңтар, 2025
«Қаңтарда» қаза болған сарбазға «Ерлік сыныбы» ашылды
Талдықорған қаласындағы Ш. Уалиханов атындағы № 10 орта мектеп-гимназиясында Қаңтар оқиғасында қаза тапқан сарбаз, ІІМ Ұлттық ұлан батыры ІІІ дәрежелі «Айбын» орденінің иегері Айбат Амановқа арналған «Ерлік сыныбының» ашылу салтанаты өтті.
Аймақтар • 18 Қаңтар, 2025
Техникалық мамандықтармен толығады
Жұмысшы мамандықтары жылына орай Жетісудағы университет пен колледждердегі мамандықтарды түрлендіру үдерісі қарқынды түрде жүріп жатыр. Былтыр аграрлы салаға қажетті мамандарды шетелде оқыту идеясы қолға алынды. Биыл білім ордаларында жаңа техникалық мамандықтар ашылады. Алдағы 2-3 жылда орман, балық, жылыжай шаруашылығына қажетті кадрлар жергілікті жерден шығады.
Аймақтар • 17 Қаңтар, 2025
Талдықорғанның «Береке» қалашығындағы үйлер халыққа біртіндеп беріліп жатыр. Былтыр 25 пәтердің кілті табысталса, жақында 30 үй иесін тапты. Одан бөлек, Жаркент қаласындағы кезекте тұрған тұрғындар да қоныс тойын тойлап жатыр. Жалпы, өңірде биыл 122 әлеуметтік нысанның құрылысы жоспарланған, оның 105-і осы жылы пайдалануға беріледі.
