Сұхбат • 21 Наурыз, 2025
«Салт-дәстүр жаңғыратын мереке»
Наурыз – түбі бір түркі халықтарына ортақ мереке. Осыған орай іргелес жатқан ағайын ел Қарақалпақстандағы Әжінияз атындағы Нөкіс мемлекеттік педагогикалық институты Қарақалпақ әдебиеті кафедрасының меңгерушісі, доцент, филология ғылымдарының докторы Сәрсенбай Қазақбаевқа хабарласып, Наурыз мерекесі туралы аз-кем әңгімеге тартқан едік.
Сұхбат • 21 Наурыз, 2025
Жадыра Құтжанова, айтыс ақыны: Мен үшін бағалы сыйлық – халықтың ықыласы
Өткен ғасырдағы сексенінші жылдардың ортасынан айтыс өнері жаңаша дамыды. Арқалы ақындар шоғыры қалыптасты. Солардың ішінде жарқылдап көзге түскен Жадыра Құтжанованың орны бөлек. Ол әуезді үнімен, әдемі мақамымен, өжет мінезімен халықтың жүрегіне бірден жол тапты. 1989 жылы Алматыдағы Республика сарайында өткен халықаралық айтыста ақ боз ат мінді. Содан бері де біраз жыл жөңкіліп өтті. Бірақ жұрт Жадыраны ұмытқан жоқ. Біз бүгін Наурыз мерекесінде сонау жылдары төл өнерімізге өзгеше өрнек қосқан танымал айтыс ақыны, Мәдениет саласының үздігі, бірнеше халықаралық, республикалық айтыстың жүлдегері Жадыра Құтжановамен жолығып, өмірі мен өнері туралы әңгімелестік.
Руханият • 19 Наурыз, 2025
Қазақ тілін дамытудағы жаңа кезең
Астанада Ахмет Байтұрсынұлы атындағы Тіл білімі институтының «Креативті индустрияның тілтанымдық негіздері: зерттеулер мен әзірлемелер» атты стенд конференциясы өтті.
Жансарай • 14 Наурыз, 2025
Қашағанын өнердің құрықтаған...
Ұлттық бейнелеу өнерінің тарихы тым әріден басталады. Бірақ оның даму кезеңі өткен ғасырдың 20-30 жылдарынан жалғасты. Оған алғаш Әбілхан Қастеев, Орал Таңсықбаев секілді айтулы тұлғалар түрен салды. Олар бейнелеу өнерін кәсіби деңгейге көтерді. Мектеп қалыптастырды. Осыдан бастап, қазақ қылқалам шеберлерінің үлкен шоғыры өртеңге өскен шөптей қаулап шықты. Соның ішінде Екінші дүниежүзілік соғыстан кейін бейнелеу өнеріне келіп, айшықты із қалдырған Қазақстанның халық суретшісі Молдахмет Кенбаевтың шоқтығы биік. Оның туындыларында ұлттың бекзат болмысы, дарқан даланың кеңдігі шынайы көркемделген.
Аймақтар • 06 Наурыз, 2025
Ауылға барғанда белгілі меценат Сапар Ысқақов салдырған Қостанай облысы Амангелді ауданының орталығындағы туристік кешенді барып көрдім. Шалғай елді мекенде бой көтерген туристік хаб, құдды тарихи қалашық. Әсіресе Сұлтан Бейбарыстың ескерткіші қандай еңселі. Адамға рух береді. Ұлттың жады қабырғасына халыққа жан-тәнімен қызмет еткен тұлғалардың есімдері жазылған.
Білім • 05 Наурыз, 2025
Назарбаев университетінде еліміздегі мектеп пен колледж директорларына арналған курс басталды. Осындағы Жоғары білім мектебі Оқу-ағарту министрлігімен бірлесіп әзірлеген бағдарлама сегіз айға созылады. Курс аясында қатысушыларға интерактивті дәріс, пікірталас, жобалық жұмыс және кейс-стадилер ұсынылады.
Басылым • 04 Наурыз, 2025
«Egemen Qazaqstan» газетінің тілшісі, жас зерттеуші Дүйсенәлі Әлімақынның «Америка ашқан қазақтар» атты танымдық кітабы жарық көрді.
Қоғам • 22 Ақпан, 2025
1989 жылы белгілі жазушы Қоғабай Сәрсекеев ердің жасы – елуін туған жерінде тойлады. Сол жолы қарымды қаламгер кіндік қаны тамған біздің ауылға да ат басын бұрды. Қоғабай аға Алакөлдің іргесіндегі «Қоғада» туған. Кеңшар тарағанға дейін мұнда екі-үш шопанның отбасы қыстап отыратын. Табиғаты сондай көркем. Айналасы қалың қопа. Малға ық. Әсіресе бұл қыстақ көктемде айрықша құлпырады. Неше түрлі құстар келіп, қопаға ұя салады. Біз солардың жұмыртқасын алып жейміз. Негізі, суреткердің атамекені, өскен ортасы – Көкалат ауылы. Көрші елді мекен. Оның ата-анасы баласы өмірге келетін жылы біздің ауылға көшіп келген екен. Бұл оқиға туралы автор өмірбаяндық естелігінде ашып жазған.
Қоғам • 20 Ақпан, 2025
«Зерделі» жасампаздыққа үндейді
Былтыр «Зерделі» ақыл-ой дамыту орталықтары мен мектептер желісінің құрылғанына 10 жыл толды. Кішігірім орталықтан басталған ұйым осы жылдар ішінде іргелі ұжымға айналды. Қазіргі таңда оның ел көлемінде 40-тан астам орталығы, 7 мектебі, жалпы саны шамамен 50 бөлімшесі бар. Бүгінде 20 мыңнан аса оқушы осы «Зерделі» мектептерінде білім алады. Оларға барлық жағдай жасалған. Білім орындары барынша заманауи құрал-жабдықтармен толық қамтылған.
Таным • 20 Ақпан, 2025
Қазақ «кие» деген сөзге айрықша мән берген. Марқұм әжем де киелі ұғымдар туралы жиі айтушы еді. Әсіресе Торғай жұрты әулие деп дәріптейтін Сары Қошқар бабамыздың киелі адам болғаны жайында көп әңгімелейтін. Сондай-ақ әрбір жануар мен құстың да киесі бар. Мәселен, «аққуды неге киелі» дейміз? Өйткені халқымыз оны құстың төресі санап, оған ешқашан оқ атпаған. Шынымды айтсам, жас күнімде бұл ұғымға онша мән берген жоқпын. Бірақ есейгенде оның бекер емес екенін түсіндім. Оған бір оқиға себеп болды.
