Спорт • 27 Мамыр, 2025
Күні кеше Семей өңірінен «50 жасқа қараған шағында Қайрат Күнсафин бақилық болды» деген суық хабар жетті. Өткен ғасырдың тоқсаныншы жылдары ол еліміздің ең белді самбошылардың санатында еді. Әуелі жасөспірімдердің, одан кейін жастардың әлем чемпионатында бас жүлдені олжалап, көптеген халықаралық жарыстардың жеңімпазы атанды. Бірақ нағыз жалындап тұрған шағында Қайрат өкпе дертіне шалдығып, үлкен спортан қол үзді. Десек те арманы асқақ жігіт қиындыққа мойыған жоқ. Оны өзіне берілген сынақ деп қабылдады. Керсінше, қайта қатарға қосылу үшін барынша күресті. Ақыры жаман аурудан арылғаннан кейін бауыры ыстық боз кілемге қайта оралды. Жай оралып қана қоймай, ересектер дуында өзін түбегейлі мойындатты. Күнсафин ел чемпионы атанып, әлем чемпионатында қола медальді мойнына ілді. Сөйтіп, кейіпкеріміз адамның мүмкіндігі шексіз екенін тағы бір дәлелдегендей болды.
Спорт • 24 Мамыр, 2025
Кирилл Герасименко үстел теннисінен Дохада өтіп жатқан әлем чемпионатының 1/16 финалында жеңіліс тапты. Алғашқы екі айналымда сингапурлық К Чю мен жапониялық Хироко Шинозутаға шаң қаптырған отандасымыз 1/16 финалда Бразилияның беткеұстар ойыншысы Уго Кальдераноға 2:4 есебімен есе жіберді.
Спорт • 23 Мамыр, 2025
Сингапурдан 11 жүлдемен оралды
Сингапурда көркем гимнастикадан қыздар арасындағы Азия чемпионаты аяқталды. Жарыста еліміздің құрамасы өте жақсы нәтиже көрсетіп, 11 жүлде олжалады.
Теннис • 23 Мамыр, 2025
25 мамырда Парижде «Үлкен дулыға» санатындағы турнирлердің бірі – Ролан Гаррос басталады. Жүлде қоры 56 352 000 еуроны құраған байрақты бәсекеде әлемнің ең үздік теннисшілері бақ сынайды. Солардың қатарында еліміздің де өкілдері бар. АТР мен WTA рейтингінде ТОП-100-дікке еркін енген Александр Бублик (АТР №73), Александр Шевченко (№92), Елена Рыбакина (WTA №11), Юлия Путинцева (№24) турнирдің негізгі бөлігіне бірден жолдама алды.
Спорт • 23 Мамыр, 2025
Жарыс күнделігі: Үстел теннисі
Қатар астанасы – Дохада үстел теннисінен әлем чемпионаты өтіп жатыр. Еліміздің ойыншылары арасынан үздіктер тізімінде 60-орынға жайғасқан Кирилл Герсименко ең жақсы нәтижеге қол жеткізді. Алғашқы айналымда сингапурлық К Чюды жеңсе, келесі кезеңде әлемдік рейтингте өзінен 31 саты жоғары тұрған жапониялық Хироко Шинозутаға шаң қаптырды. Енді 1/16 финалда бразилиялық Уго Кальдераномен күш сынасады. Өкінішке қарай, өзге жерлестеріміз бастапқы бәсекелерде жеңіліс тапты.
Спорт • 22 Мамыр, 2025
Тимур Тұрсымбаев Азия дзюдо одағының басшылық қызметіне тағайындалды
Қарағанды облысы дзюдо федерациясының президенті, отандық «Жеңіс» клубының президенті Тимур Тұрсымбаев Азия дзюдо одағының (Judo Union of Asia, JUA) маркетинг пен даму бойынша директоры болып тағайындалды.
Спорт • 21 Мамыр, 2025
Теннисшілердің әлемдік рейтингі жаңартылды
Италияның Турин қаласында өткен «Челенджер» турнирде бас жүлдені олжалағаннан кейін Қазақстанның ең үздік теннисшісі Александр Бублик АТР рейтингінде бірден 25 сатыға жоғарлап, қазіргі кезде ол 51 орынды иеленуде.
Спорт • 21 Мамыр, 2025
Қазақ кикбоксшылары Түркиядан табысты оралды
Түркияда кикбокстан Әлем кубогі аяқталды. Оған 41 мемлекеттен келген 2539 спортшы қатысты. Бәсекелер лоу-кик, фул-контакт және К-1 ережелері бойынша өтті.
Спорт • 21 Мамыр, 2025
Алматыда бильярдтан ардагерлер арасында жарыс өтті
Алматыдағы «Парасат» орталығында ардагерлер арасында бильярдтан халықаралық турнир өтті. Бұл жарыс белгілі инженер, «Құрмет» орденінің иегері, Талдықорған қаласының Құрметті азаматы, республикалық Бильярдшылар одағының президенті Жақсықұл Мырзахметұлының құрметіне арналды, деп хабарлайды Egemen.kz.
Спорт • 21 Мамыр, 2025
Халықаралық футбол тарихы мен статистикасы федерациясы (IFFHS) осы спорт түрін серік еткен саңлақтар арасынан ең үздіктерді анықтады. Аталған ұйым Аргентинаның арланы Лионель Мессиді теңбіл доптың теңдессіз шебері деп таныды. Екінші және үшінші орындарды Пеле мен Диего Марадона иеленді. Сондай-ақ ТОП-10-дықтың қатарында Криштиану Роналду, Йохан Круифф, Роналдо, Зинедин Зидан, Франц Беккенбауэр, Альфредо де Стефано, Роналдиньо сынды дүлдүлдер бар.
