Спорт • 06 Ақпан, 2025
23 ақпанда Черногорияның Петровац қаласында шахматтан 20 жасқа дейінгі ойыншылар арасында әлем біріншілігінің шымылдығы түріледі. Екі аптаға созылатын бәсекеде еліміздің намысын Дүниежүзілік шахматшылар Олимпиадасының күміс жүлдегері Әмина Қайырбекова мен бірқатар халықаралық турнирде топ жарған Даниял Сәпенов қорғайды.
Спорт • 05 Ақпан, 2025
Жапонияның RIZIN промоуше-нінде күш сынасып жүрген 31 жастағы Қаршыға Дәуітбек өзінің келесі жекпе-жегін 30 наурызда жергілікті файтер Чиниро Судузукиге қарсы өткізеді. Осыған дейін 20 рет октагонға шыққан қазақ спортшысының 17 мәрте мерейі үстем болды. Бір кереметі, соңғы тоғыз кездесуінде жеңіске жеткен ол жеті қарсыласын бірінші раундта-ақ ұрып жықты. Судзукидің шердогі – 18 кездесу, 13 жеңіс, 7 нокаут. Сондай-ақ Күншығыс елінің өкілі кикбокстан да өнер көрсетеді. Бұл ретте 13 мәрте рингке көтеріліп, тек бір рет қана ұтылды, 10 қарсыласын нокаутқа жіберді.
Спорт • 05 Ақпан, 2025
Халықаралық дзюдо федерациясы өткен жылдың қорытындысы бойынша «IJF Judo Awards 2024» жүлдесін иеленген балуандардың есімдерін жариялады. Ерлер арасында «Ең үздік дзюдошы» атағынан үміткерлердің бірі Елдос Сметов еді. Бірақ бұл аталымда топ жару бақыты даңқты жерлесімізге бұйырмады.
Спорт • 04 Ақпан, 2025
20 наурызда Грекияның астанасы – Афинада Халықаралық Олимпиада комитетінің (ХОК) сессиясы өтеді. Сол жиында аталған ұйымның президенті сайланады. Қазіргі басшы Томас Бахты алмастыруға Себастьян Коу мен Йохан Элиаш (Ұлыбритания), Кирсти Ковентри (Зимбабве), Хуан Антонио Самаранч – кішісі (Испания), Фейсал аль-Хусейн (Иордания), Давид Лапартьян (Франция), Моринари Ватанабэ (Жапония) сынды үміткерлер ниеттеніп отыр.
Спорт • 04 Ақпан, 2025
«ТAN» марафоны мүмкіндікке жол ашады
Түркі елдерінде «TAN» деп аталатын ұзақ қашықтыққа жүгіру қауымдастығының құрылуына орай Алматыдағы «Қазақстан» қонақүйінде баспасөз мәслихаты өтті. Ендігі жерде Қазақстан, Әзербайжан, Қырғызстан, Өзбекстандағы марафондар сериясының мәрешілері бірегей медаль мен халықаралық жүгіруші мәртебесіне ие болады. Жаңа серіктестік түркі мәдениеттерінің бірігуіне, халықаралық спорттық туризмнің дамуына серпін береді.
Бокс • 01 Ақпан, 2025
Ташкентте бокстан ерлер арасындағы Өзбекстан чемпионаты аяқталды. Жарыста сол мемлекетте тұрып жатқан қазақтың 15 былғары қолғап шебері бақ сынап, алтауы жеңіс тұғырына көтерілді.
Спорт • 31 Қаңтар, 2025
Азиаданың алауы Харбинде тұтанады
Биылғы жылдың басты жарыстарының бірі – 7-14 ақпан аралығында Қытайдың Харбин қаласында алауы тұтанатын ІХ қысқы Азия ойындары. Қазіргі кезде еліміздің спортшылары осы байрақты бәсекеге барынша даярланып жатыр. Басты мақсат – жалпы командалық есепте үздік үштіктің қатарынан көріну.
Теннис • 31 Қаңтар, 2025
Ұлыбританияның бас шаһары – Лондонда теннистен Билли Джин Кинг кубогінің іріктеу турнирінің жеребесі тартылды. Жыл сайын әйелдер арасында өтіп тұратын дәстүрлі жарыста еліміздің құрамасы биылғы маусымда D тобында өнер көрсетеді. Қарсыластарымыз – Аустралия мен Колумбия.
Күрес • 30 Қаңтар, 2025
Ресейдің Краснояр қаласында КСРО-ның даңқты балуаны, Олимпия ойындарының екі дүркін жеңімпазы, әлем чемпионы, әлем кубогінің бес дүркін жеңімпазы, үш дүркін Еуропа чемпионы Иван Ярыгинді еске алуға арналған халықаралық турнир аяқталды.
Спорт • 30 Қаңтар, 2025
Еліміздің құрамасы 2026 жылы Литва мен Латвияда өтетін Еуропа чемпионатының іріктеу турнирі қарсаңындағы соңғы дайындықтарын пысықтады.
